محمد حلاوة عن حذف "إنستجرام" لفيديو شقيقته: "أصحاب المصلحة يحاولون إخفاء الحقيقة"
علق محمد حلاوة، رجل الأعمال وعضو مجلس الشيوخ، على حذف موقع تبادل الصور والفيديوهات القصيرة “انستجرام”، فيديو شقيقته التي نشرته ردًا على الخلافات التي بين عائلة حلاوة والفنانة ياسمين عبد العزيز.
ونشر محمد حلاوة صورة من حذف “إنستجرام” للفيديو، ورد قائلًا: “واضح إن محاولات إخفاء هذا الفيديو مستمرة من أصحاب مصلحة اختفائه ولإخفاء الحقيقة لذلك تم بلوك عليه بعد ادعاء بعض الأشخاص حقوق ملكيته”.
وكانت تقول لمياء شقيقة محمد حلاوة في مقطع فيديو سبق ونشره، الآتي: "أنا اسمي لمياء حلاوة أخت محمد حلاوة، الحقيقة أنا شفت برنامج ريهام صاحبتي وأختي ومرات أخويا، وكنت فرحانه بيه وشفت أنها قالت كلام محترم وكلام من قلبها، الحاجة اللي ضايقتني وأزعجتني ودي حاجة عائلية إني فوجئت من كام ساعة بكلام يتقال على حرابيق وكلام ميصحش يتقال".
وتابعت: "يا جماعة إحنا بقالنا 3 سنوات بنتحارب ونتهاجم ويتقال علينا كلام غلط وإحنا مبنردش علشان خاطر مصلحة ولادنا وعلشان ده اللي اتعلمناه في الدنيا إن إحنا نخاف على ولادنا بس الظاهر أن في ناس تانية مش فارق معاها الكلام ده إحنا خلاص خرجناكي من حياتنا وقفلنا صفحتك ومش بس كده مبنفتكركيش".
وأضافت لمياء محمد حلاوة: "إحنا عايزينك إنتي كمان تركزي في صفحتك وتنسينا، وحاولي أنك تكوني سعيدة لأن إحنا سعداء وإحنا بعيد عنك.. يارب الكلام يوصلك لأن غير كده أظن هتبوظي الصفحة الجديدة بتاعتك هي كمان، ده اللي عايزة أقولهولك لمصلحتك ولمصلحة أولادك”.
