حاول التحرش بها وصفعها عدة مرات.. فتاة تعرضت للاعتداء من شاب بالهرم: حقي ضاع (فيديو)
نشرت إحدى الفتيات تدعى “ليلي” على صفحتها الشخصية بموقع التواصل الاجتماعي “فيس بوك”، فيديو يبين تعرضها لمحاولة تحرش من قبل أحد الأشخاص، وعند فشله في التمكن منها صفعها المتهم عدة مرات متتالية وسط الشارع بمنطقة الهرم، وأمام المارة، دون تدخل منهم.
ورصدت كاميرات المراقبة التابعة لإحدى المحلات، المتهم وهو يحاول محاورة الفتاة والحديث معها، وعندما رفضت تبادل الحديث معه انقض عليها وصفعها مرات عدة، مما اضطر الفتاة للهرب من أمامه، قبل تماديه في التعدي.
وقالت الفتاة على حسابها: “النهاردة أقدر أقول إن أنا اتعرضت لأصعب موقف في حياتي، لقيت واحد نازل من عربية، وكان عاوز يتحرش بيا في وسط الشارع، ولما ماعرفش ضربني ومش هامه حد، والناس واقفة تتفرج وأنا مش عارفه آخد حقي، وكمان حاسة إني اتشليت وفي منطقتي ومش عارفة أجيب حقي، بعد ما اتهنت واتشتمت واتضربت بالطريقة دي، وأنا مش عارفة أعمل حاجة غير إني أخدت رقم العربية وعملت محضر بس عارفة إن حقي مش هيتجاب، وهتفضل كل بنت تتعرض لمواقف زي دي ومتعرفش تاخد حقها ومش أول مرة موقف زي دا يحصل معايا وأنا ماشية في الشارع بس متوقعتش إن حد بجح يقوم يضربني.. أنا مشوفتش أوسخ من كدا بجد وفي عز النهار والناس ماشيه في الشارع ملقيش حد يمسك فيه حتى أعرف آخده على القسم آخد حقي.. حسبي الله نعم وكيل أول مرة أتكلم ف حاجة زي كدا بس أنا تعبت من الناس والشارع وبقى بنسبالي مكان يخوف أنا مش عارفة أقول أيه تاني أو اكتب أيه”.
