إيمان السيد: "ياسمين عبد العزيز بتفهم في الأصول ومش بوشين"
عبرت الفنانة إيمان السيد عن دعمها للنجمة ياسمين عبد العزيز، بعد حالة الجدل التي أثيرت حولها خلال الفترة الماضية.
ونشرت إيمان السيد صورة لياسمين عبد العزيز عبر حسابها الشخصي بموقع التواصل الاجتماعي “فيس بوك”: “في حب ياسمين عبد العزيز، مش هبالغ لو قلت إن ياسمين من أجدع الشخصيات اللي قابلتها، أنا معرفتي بيها داخلة على نحو 14 سنة دلوقتي”.
وتابعت: “فترة طويلة اتغير فيها ناس كتير، وناس أكتر كانوا قريبين وما بقوش موجودين، وياسمين عمرها ما اتغيرت، طول عمرها جدعة وبنت ناس ومحترمة وبتفهم في الأصول، بتحب شغلها وبتحب كل الناس اللي معاها يطلعوا بأحسن صورة، وزي ما خالد الصاوي قال وبضم صوتي لصوته، ياسمين عبد العزيز واضحة وصريحة ومش بوشين وما بتجاملش ودا أريح للناس كلها”.
إيمان السيد
وتابعت: “حقيقي التعامل مع إنسانة زي ياسمين مريح، خاصة لما تكون أنت كمان إنسان دوغري ومش منافق وملكش في اللوع”.
واختتمت حديثها: “ياسمين عمرها ما اتغيرت معايا، في عز ما كان فيه ناس كنت فاكراهم قريبين مني وكانوا يقولولها ما كفاية إيمان السيد بقى، وحتى دا عرفته من برة مش منها لأن طول معرفتي بيها عمرها ما قالت لي ولا قالت قدامي حاجة تضايقني، ربنا يكرمها ويرزقها كل خير”.
