فتاة البروكيني: "علشان أدخل أي مكان لازم أطلّع الباسبور الكندي.. في كندا بيتقبلوا الحجاب أكتر من مصر" (فيديو)
كايرو لايت
فتاة البوركيني
قالت دينا هشام، ضحية التنمر بسبب ارتداء مايوه شرعي بحمام السباحة، والمعروفة إعلاميًا بـ "فتاة البوركيني"، إنها تواجه مشكلة كبيرة في مصر، حيث إن ملابسها المحجبة والبوركيني لا يساعدها على دخول أي حمام سباحة في مصر.
وأضافت خلال فيديو نشرته: "لازم أتخانق، ولازم أطلّع الباسبور الكندي، ولازم أقولهم إني كندية أو أجنبية، لكن لو مصرية محجبة لا، حجابي ده مايدخلنيش أي مطعم".
وتابعت: "عشان أروح حفل زفاف صاحبتي في أي حتة، لازم يتعمل لي استثناء إني أنا الوحيدة المحجبة في صحابها، طب لو عملت كتب كتابي، يقولوا لي أعلميه في الجنينة بتاعتكم أو في أوضتك".
وأردفت: "حد يصنف حد على أنه هاي كلاس أو لا، بسبب الحجاب"، وببكاء شديد، قالت: "نتعلم شوية يا جماعة، كفاية جهل، بحس إني مُتقبلة في كندا بالحجاب أكتر من مصر، وفي كندا بحس إني مش عايزة أقلعه".
