منة فضالي: "أنا مع الست اللي تلبس مايوه شرعي وضد التخلف بتاع الممنوع"
استنكرت الفنانة منة فضالي واقعة التنمر والعنصرية على المايوه الشرعي، والتي تتم في بعض الأماكن السياحية التي ترفض ارتداء المرأة للمايوه الشرعي، أو المايوه البوركيني.
وكتبت فضالي بحسابها على "فيس بوك" قائلة: "مش فاهمة إيه العيب أن واحدة محجبة تنزل بمايوه شرعي ايه اللي يزعل في كده وعلشان إيه ممنوع؟..هو لازم يعني العالم كله يلبس بيكيني إن شاء الله إيه الهبل ده؟".
وأضافت: "ربنا يدينا الهداية ويتوب علينا كلنا والله...ليه القرارات النيلة دي عالم متخلفة وتافهة.. هتتقولوا لي ما إنتي بتلبسي مايوه وبتتصوري والهري ده هقول أنا حرة زي أي حد حر، ما دام في حالي زي ما كلكم زمان أهاليكم كانوا بيلبسو كده وأكثر... بس للأسف احنا عندنا دلوقتي عدم احترام".
واستكملت: "مش معني كده اني صح واني بشجع علي المايوه بس ها يجي يوم ومش هعرف البس حاجة من اللي قادرة البسها دلوقتي كل سن ولي احترامه ولبسه.. احترموا حريه الناس وافتكروا أن ربنا اللي بيحاسب مش البشر.. وأنا مع الست اللي تلبس مايوه شرعي وضد التخلف بتاع الممنوع".
