نضال الشافعي في ذكرى 30 يونيو: "عملنا هجمة مرتدة علشان نعبر عن اللي جوانا"
حلّ الفنان نضال الشافعي اليوم، ضيفًا فى برنامج "من مصر"، تقديم الإعلامي عمرو خليل، والإعلامية ريهام إبراهيم، والمذاع عبر شاشة "cbc"، وذلك تزامنًا مع ذكرى ثورة 30 يونيو، إذ تحدث نضال عن مسلسلي "هجمة مرتدة"، و"الاختيار2"، باعتبارها أعمال مصرية مخابراتية.
وقال نضال خلال لقائه مع الإعلاميان عن مسلسل هجمة مرتدة: " فكر المسلسلات والدراما المخابراتية أنا بحبها من صغري وكانت أمنية من امنيات حياتي من وأنا فى اعدادي، ولما جاتلي الفكرة كنت سعيد إنى إعمل مسلسل مع نجوم كبار عن ملف من المخابرات كنت سعيد جدًا به".
وأضاف: "وكنت حاسس بالمسؤلية، والنجوم اللي عملوا ضباط وطنيين زى صلاح قابيل، وعزت العلايلي، كانوا ناس عظام ومقنعين، بالإضافة لأن الضابط المخابراتى فى نفوس المصريين له هالة معينة والناس تنظر له إنه البطل، كان مهم نوصل ده بقدر من المصداقية".
وأردف: " مصر دولة كبيرة لو أنت دولة صغيرة مش فارقة مع العالم محدش هيبصلك، لكن أنت عشان دولة كبيرة ولها ثرواث، ودا باين من أسم المسلسل، أن مصر عليها هجمات لكن المصري قدر يرد كل الهجمات المرتدة ويجيب جول".
وأستكمل: "فى ناس استغلوا الهزة المصرية، وقالو مصر مش هتقدر تقف على رجلها، لكن المفاجأة كانت للعالم، أنها دولة بها قانون ومؤسسات، واللي يعمل شئ هيتجازى عليه، المصري طول الوقت حامي الحمي، واحنا عملنا هجمة مرتدة عشان نعبر عن اللي جوانا، وده جزء مهم من عمل الفنان وهو زرع الإنتماء فى نفوس الشباب الصغير".
