"يفضل أيه للبني آدم لما تتهان كرامته".. أشهر 10 عبارات لـ"الفلاح الفصيح" في أعماله
تحل اليوم الذكرى الأولى لميلاد السيناريست الراحل وحيد حامد، الذي ولد في مثل هذا اليوم، الموافق 1 يوليو، واستطاع بعباراته المُميزة أن يحجز لنفسه مكانًا بين كبار الكُتاب في ذلك الوقت، وأن يتربع على عرش قلوب كل مُتابعيه ومُحبيه.
ويستعرض "القاهرة 24" أشهر 10 عبارات كتبهما السيناريست وحيد حامد في أعماله:
- "مفيش حاجة هترخص؟.. لأ في حاجات كتير هترخص وهتبقى بسعر التراب أنا وأنت والأستاذ وحضراتكم جميعًا" من فيلم الإرهاب والكباب.
- "حاجات كتير بتيجي أول ما نبطل ندور عليها أو نستناها.. المشكلة بقى لما تيجي هيكون لسه جوانا نفس الشغف؟".. من فيلم النمر الأسود.
- "الكرامة.. يفضل أيه للبني آدم لما تتهان كرامته" من فيلم الأرض.
- "الدنيا يا ولدي ليها وشين.. أبيض وأسود، لما تبقى بيضة قدامك افتكر الاسود عشان تسلك، ولما تبقى سودة افتكر الأبيض علشان تعرف تعيش لبكره" من فيلم الإنسان يعيش مرة واحدة.
- "القانون زي ما بيخدم الحق بيخدم الباطل واحنا الباطل بتاعنا لازم يكون قانون" من فيلم طيور الظلام.
- "إيه حكاية رقاصة.. رقاصة.. كل واحد فينا بيرقص بطرقته أنا بهز وسطي وأنت بتلعب لسانك "من فيلم الراقصة والسياسي.
- "كلهم كدابين وكلهم عارفين إنه كدابين، وكلهم عارفين إننا عارفين إنهم كذابين، وبرضوا مستمرين في الكذب" من فيلم الحب فوق هضبة الهرم.
- "كلمة أنا بحبك عقد.. اللمسة عقد.. النظرة عقد.. الوعد بالجواز دا أكبر عقد" أضحك الصورة تطلع حلوة.
- "أقسم بالله العظيم هذه الصدفة.. أن أحترم هذه الغلطة التي جعلتني وزيرًا.. وأن أحسن استغلالها" في فيلم معالي الوزير.
- "أنا المسكين في هذا الزمان.. أنا المحاط بالأوهام.. أنا الذي إذا جاع نام" اللعب مع الكبار.
وتوفي الكاتب الكبير وحيد حامد، 2 يناير الماضي، عن عمر ناهز 76 عاما، بعد صراع مع المرض، وشيعت جنازته، من مسجد الشرطة بالشيخ زايد، بحضور عدد كبير من نجوم الفن أبرزهم النجمين كريم عبد العزيز وأحمد حلمي، ونقيب الممثلين الدكتور أشرف زكي، وتم دفنه بمقابر عائلته في مدينة 6 أكتوبر.
