ليلى طاهر بعد تعافيها من كورونا: "تليفوني مبطلش رن وفرحت بالاهتمام"
تحدثت الفنانة ليلى طاهر، عن أخبار إصابتها بفيروس كورونا حيث تصدرت “تريند” موقع البحث “جوجل”، بعد بحث الكثيرين عن اسمها لمعرفة تطورات حالتها الصحية.
وقالت ليلى طاهر في تصريح خاص لـ "القاهرة 24" إنها سعيدة باهتمام الجمهور بالسؤال عنها وحرصهم على الاطمئنان عليها.
وأضافت ليلى طاهر: “أنا من امبارح الناس بتكلمني علشان تطمن عليا، منهم الفنانين والمعارف والناس الغريبة حتى بتحاول تطمن عليا وعايزين يعرفوا أنا عاملة إيه”.
تفاصيل إصابة ليلى طاهر بكورونا
وتابعت ليلى طاهر: “الخبر وصل للناس متأخر علشان أنا مأعلنتش من الأول، ولكن أحب أقول خبر حلو للناس وهو إني خفيت وحالتي الصحية دلوقت كويسة جدًا وبقدر أخرج من البيت وأمارس حياتي بشكل طبيعي”.
وكشفت ليلى تفاصيل تعافيها من فيروس كورونا قائلةً: "جاتلي كورونا وقعدت فيها أكتر من 10 أيام وحالتي مكنتش خطيرة، أنا من الشهر اللي فات في البيت كويسة، لكن المعلومة وصلت للناس متأخر ولقيت التليفون مبيبطلش رن، أسعدني جدًا اهتمام الناس جدًا بيا".
