ابنة رجاء الجداوي: "بابا كان دايما بيقول أنا متجوز أجدع ست في مصر"
قالت أميرة مختار، ابنة الفنانة الراحلة رجاء الجداوي، إنها تشعر بحب غير مسبوق في كل من تتعامل معهم لوالدتها، موضحةً: "هو ده اللي عايشين بيه، وهو ده الإرث اللي سابته شخصية وإنسانية رجاء الجداوي".
وأضافت مختار، في مداخلة هاتفية ببرنامج “صباح الخير يا مصر”، المُذاع عبر القناة الأولى، والفضائية المصرية، من تقديم الإعلاميين محمد الشاذلي وهدير أبو زيد، أن والدتها كانت فنانة عظيمة، لكن حُبها للناس وقلبها المتسامح مثلًا ذكرى عظيمة لوالدتها.
وتابعت: "لما كانت تعبانة كنت حاسة إن ليها 100 مليون ابن وابنة، وحاسة إنهم هيفتقدوا شيء مهم جدا، وكنت بشوف خلل في ناس عندها أكتر من 60 سنة، لأنها كانت تحتويهم".
رجاء الجداوي
وأكدت ابنة الفنانة الراحلة: "النهاردة بقيت أحس إن العيلة والناس المقربة لينا أصبحوا بالآلاف، لأنهم مش سايبينها ومعيشنا أنا وبنتي حالة حب كبيرة، ومجرد ما أروح أي مكان ويتعرف أنا مين، الدنيا بتبقى حاجة تانية عشان رجاء الجداوي.. بابا دايما كان بيقول أنا متجوز أجدع ست في مصر".
