نيرمين الفقي: "عمري ما حبيت طول حياتي واكتشفت ده على كبر"
كشفت الفنانة نيرمين الفقي عدم خوفها من الوحدة أو العزوبية، موضحة أنها لا ترفض فكرة الارتباط أو الزواج، ولكن مع الرجل الصحيح الذي يحبها بصدق، كما وضحت أنها لا تحب الفلوس، وإذا كانت تنظر لها لكانت تزوجت ملياردير.
وقالت في لقاء مع الإعلامية لميس الحديدي ببرنامج "كلمة أخيرة": "أنا ممكن أرتبط لو اتحبيت بجد، وممكن أكون اتحبيت بس مش الحب اللي بجد، وكان ممكن ارتبط أكثر من مرة ولكن أنا كان عندي شفافية أن ده مش هيكمل".
وأضافت: "لما اشوف شريط حياتي بكون سعيدة اني مرتبطش، أنا كامرأة نفسي أشعر بأني بتحب بجد، أنا محبتش طول حياتي واكتشفت ده على كبر.. ولو اتحبيبت بجد أكيد هحب".
وأردفت: "التمثيل كان عائق في الزواج.. من حقه إنه يخاف على زوجته ولكن مش من حقه يخليها متحققش موهبة، والفنان مش ممكن يستمر أو يكون محبوب إلا لو كان موهوب بجد".
وأضافت عن الفلوس: "أنا لو ببص للفلوس كنت اتجوزت ملياردير.. لكن أهم حاجة يكون في نفس المستوى الثقافي، ولا أقبل الرجل سليط اللسان، ولازم يكون رجل بمعنى الكلمة، غير كده مش هفكر في الارتباط، ومش خايفة من الزمن ولا الوحدة، والحب رزق زي الصحة، فالرجل رزق ولكن يكون رجل بمعني الكلمة".
