ضحية متسابق ذا فويس كيدز: "تنمر عليا وقالي ياخروف عشان بنت قريبتي" (نص التحقيقات)
كشفت التحقيقات في واقعة تعدي متسابق "ذا فويس كيدز" على طفل أخر بمنطقة حلوان، وأصابته بمفتاح في جمجمته، مفاجآت جديدة إذ أكدت تنمر المتهم على الطفل المصاب قبل إصابته بسبب فتاة تربطها صلة قرابة بالطفل الضحية.
وقال الطفل المجني عليه "حسن شريف"، "كنت نازل من البيت ورايح اقابل صديقي علي ووقتها لما نزلت كان قاعد قدام البيت اللي قصادي المتهم وكان بصحبته واحد بيشتغل في جراج واسمه جمال، وسمعت وأنا نازل وماشي قدامهم معاذ بيقول بصوت عالي السطوح عالي أو جملة السطح عالي وكان بيقول جملة يا خروف وكانوا هما بيضحكوا بصوت عالي فأنا وقتها ما اخدتش الكلام على نفسي وافتكرت انهم بيهزروا مع بعض طبيعي ومشيت وكملت في طريقي وروحت البلايستيشن عندنا في المنطقة ولما روحت هناك قعدت شويه ولقيت معاذ وجمال جم ورایا ودخلوا".
تابع المجني عليه "انا فهمت من كلامه وتلقيحه عليا ان هو قاله علي موضوع بنت تقربلي من بعيد علشان في بنت قريبتي من بعيد كانت ماشية أو بنتكلم مع جمال وعشان هي قريبتي وجمال قال لمعاذ علي كدا الكلام عليا وبقي يغظني .
وإلى نص التحقيقات:
ما أسمك؟
ج: "حسن شريف"
س: وما هو المستوي الدراسي الذي تقوم بدراسته الان؟
ج: انا طالب في الصف الثاني الاعدادي
س:وهل قمت بإجراء الامتحانات الخاصة بالدراسة ؟
ج: ابوه امتحنت واخدت الإجازة ومنتقل الى الصف الثالث الاعدادي
س:اذا ما تفصيلات حدوث اصابتك ؟
ج: اللي حصل اني انا يوم حدوث الواقعة بتاريخ ٢٠٢١/٦/٧ كنت نازل من البيت ور ابح اقابل صديقي: المدعو علي الدين ، ووقتها لما نزلت كان قاعد قدام البيت اللي قصادي المدعو معاذ عيسي ، وكان بصحبته واحد بيشتغل في جراج واسمه جمال ، وسمعت و انا نازل وماشي قدامهم معاذ بيقول بصوت عالي السطوح عالي اوجملة السطح عالي وكان بيقول جملة يا خروف وكانوا هما بيضحكوا بصوت عالي فإنا وقتها ما اخدتش الكلام علي نفسي و افتكرت انهم بهزروا مع بعض طبيعي ومشيت وكملت في طريقي وروحت البلايستيشن عندنا في المنطقة ولما روحت هناك قعدت شويه ولقيت معاذ وجمال جم ور آیا ودخلوا
س:متي و اين حدثت تلك الواقعة الخاصة بحدوث اصابتك ؟
ج: الكلام ده حصل بتاريخ7/6/2021حوالي الساعة الثامنة والنصف مساءا قدام يبتي في شارع خسرو علي مصطفي فهمي، حلوان .
س: ما سبب ومناسبة تواجدك في المكان والزمان سالفي الذكر؟
ج:انا وقتها كنت نزلت من البيت وروحت البلايستيشن وكان وقتها تقريبا بعد العصر ومن هناك طلعت قابلت صاحبي علي الدين ، عشان كنا متفقين اننا هنروح ناحي غرب عندنا في منطقة حلوان، ولما لقينا النادي كان زحمة فرجعنا تاني ناجية بيننا .
س: ومن كان برفقتك انذاك ؟
ج:كان معايا صاحيي علي الدين الدين عبد اللطيف
س: ومن محدث اصابتك تحديدا ؟
ج: اللي ضربني هو المدعو: معاذ عهد احمد عيسي .
س:هل قمت بالتوجه اليه والرد على تلك الكلمات ؟
ج: لا لاني ، ما اخدتش الكلام علي نفسي .
س:هل من المعتاد قيام المتهم بترديد تلك الكلمات لك كلما شاهدت في ثمة أماكن ؟
ج:لا دي كان أول يوم يقول الكلام ده اول ما يشوفني .
س: اذا ما الذي دعاه الي ترديد تلك الكلمات حال مشاهدته لك يوم الواقعة الموافق يوم الاثنين 7/6/2021؟
ج: عشان انا فهمت من كلامه وتلقيحه عليا ان هو قاله علي موضوع بنت تقربلي من بعيد .
س: وما هو طبيعة ذلك الموضوع الخاص بتلك الفتاة ؟
ج:عشان في بنت قريبتي من بعيد كانت ماشية أو بنتكلم مع جمال وعشان هي قريبتي وجمال قال لمعاذ علي كدا فيورمي الكلام عليا وبقي يغظني .
س: وهل كنت علي علم بذلك الموضوع السالف ذكره ؟
ج: ايوه انا كنت عارفة من قبل الواقعة باسبوع وكان وقتها لما حسن كان بيشوفني مكنش بيلقح عليا الكلام اللي كان بيقولهولي و ابتدا يقول الكلام ويتريق عليا من اليوم اللي حصلت فيه الواقعة وهو نفس اليوم اللي جمال قاله علي الموضوع ده .
س: وما هي وجهتك عقب نزولك من مسكنك في ذلك اليوم؟
ج: أنا طلعت علي البلايستيشن
س: وهل تقابلت مع المتهم عقب توجهك الي ذلك المكان؟
ج: ايوه
س: هل قام المتهم بمحاولة اللحاق بك اثناء انصرافك من أمامه؟
ج: هو جري ورایا.
س: ما هو سبب قيام المتهم بالعدو خلفك ؟
ج: انا لقيته بيقولي اقف اقف عشان اشيلهولك فانا ذقيته من قدامي وطلعت اكمل جري علطول .
س: هل كان المتهم على علم بمكان وزمان تواجدك في ذلك الوقت ؟
ج: هو من وقت ما رجعت من النادي احنا كنا و اقفين قصاد بعض .
س: وما هي المدة التي استغرقها المتهم في التعدي عليك ؟
ج: الموضوع كله من وقت ما ابتدينا نشد ما بعض لحد ما ضربني بالمفتاح مكملش دقيقة
س: ما التصرف الذي بدرملك عقب تلقيك تلك الضربة ؟
ج: انا روحت الصيدلية التي قريبة من بيتي .
س: هل من ثمة إجراءات طبيه اتخذت معك في ذلك الوقت ؟
ج: الدكتور اللي كان موجود في الصيدلية قالي نام علي الأرض عقبال ما اقفل الصيدلية .
س: ماذا قرر الطبيب تلك الكلمات؟
ج: عشان المفاتيح كانت متعلقة في راسي.
وما هي وجهتك عقب ذلك؟
كنا و اقفين في الأرض وبنفس مستوي بعض .
حالة الضوء والرؤية انذاك ؟
ج: الرؤية كانت واضحة لان في نور في الشارع.
س: وباي يد كان المتهم ممسكا بتلك الأداة ؟
ج:ماسك دماغي من الناحية الشمال هوكان ماسك المفاتيح بايده اليمين عشان كدا وهو لما ضربني الضربة بتاعته جت في دماغي
س: ومن تحديدا الاعلي والاطول قاما من الآخر؟
ج: انا أطول منه شويه بس حاجة بسيطة .
س: ما قولك فيما قرره المتهم بالتحقيقات من انه و إثناء قيامه بصد الضربة الصادرة منك براسه ناحيته قام بوضع المفتاح اعلي جيبته مما تسبب في حدوث اصابته ؟
ج:اكيد الكلام ده مش صحيح لاني لوكنت هديله ضربة بدماغي كنت هتعور في وشي او جبهتي ( فورتي ) لكن انا اتعورت في دماغي من ناحية الشمال من ورا لما ضربني بالمفتاح جامد.
س:وهل حاولت المقاومة اورد الاعتداء الواقع عليك آنذاك ؟
ج: لاني لما اخدت الضرية بتاعة المفتاح انا جسمي ساب ومكنتش قادراني اقاومه او اردله الضربة بتاعته .
