مرتضى منصور عن تأجيل زيارته لنادي الزمالك: "اوعوا تفتكروا إن في حد منعني"
كشف مرتضى منصور، رئيس مجلس إدارة نادي الزمالك الموقوف، تفاصيل مكالمته مع أشرف صبحي، وزير الشباب والرياضة، بسبب زيارته إلى نادي الزمالك.
وقال منصور، في فيديو نشره عبر "يوتيوب": "أبلغت الوزير.. أنا لغيت الزيارة عشان بلدي.. عشان الأمن.. عشان الراجل وزير الداخلية بيحترمني وأنا بحترمه".
وأضاف: "افترضنا تواجد 100 ألف، و اندس في وسطهم 500 أنا أبقى سبب، افرض إن الجماهير المحترمة صممت تدخل لي النادي".
وتابع: "أنا أجلت الزيارة وأوعوا تفتكروا إن في حد منعني، أنا اللي لقيت الوزير بيطلبني، وقولتله طالع مع الواد أبو علقة ده قالي والله هو اللي أحرجني.. وأنا بقولكم مصر أهم وأنا خايف على بلدي، مش معقول يبقى في معركة".
واستطرد رئيس الزمالك الموقوف: “تاني محدش يجرؤ يقولي متروحش نادي الزمالك اللي أنت رئيسه، وتقعد في مكتبك اللي أنت عامله على حسابك، والوزير تسرع في المُداخلة، وحصل عتاب بيني وبينه، وبعدين أنا قايلك حاجة تطلع تقولهاله”
واختتم منصور مُوجهًا رسالة لعمرو أديب: "أنت لسه شوفت حاجة.. ده أنا لسه هروقك".
