"الجنة والنار اجتمعوا مع بعض".. أحمد سعد يرد على منتقدي صورته مع مصطفى حسني
رد الفنان أحمد سعد، على الانتقادات التي وجهت له مؤخرا، بسبب الصورة التي جمعته بالداعية مصطفى حسني.
ونشر أحمد سعد صورة جديدة تجمعه بمصطفى حسني، عبر حسابه الشخصي بموقع التواصل الاجتماعي “فيس بوك”، وقال: “الجمعة اللي فاتت قابلت الشيخ مصطفى حسني بعد صلاة الجمعة، واتصورنا مع بعض ونزلت الصورة، حكم الناس وتعليقاتهم كان هجومي جدا، وكأن الجنة والنار اجتمعوا مع بعض في صورة واحدة!”.
وتابع: “قد ايه فرحني الشيخ مصطفى حسني لما قابلته الجمعة دي كمان، وسألته أوعى تكون التعليقات ضايقتك ولو حابب أشيلها، قالي إزاي بتقول كدة، أنت صحبي وحبيبي ويلا ناخد صورة كمان”.
وأضاف: “بيفرق أوي أن يكون في إيدك تكتب تعليق يجرح ويضايق حد، وإنك يكون في إيدك كلمة حلوة تفرح بيها حد، حتى لو مختلف عنك”.
أحمد سعد ومصطفى حسني
واختتم حديثها: “شكرًا يا شيخ مصطفى حسني على انفتاحك وتقبلك للآخرين زي ما هم، وده دليل كبير أوي إنك حقيقي وإن المواعظ والمحبة اللي بتتكلم عنهم في خطبك حقيقي مش كلام بس، وياريت كلنا نتعلم نتقبل الآخرين أو على الأقل ما نجرحش فيهم، لمجرد اختلافنا عنهم وإن علاقتنا بربنا شيء خاص جدا”.
