حلا شيحة تدعو زملاءها للتوبة: "جواهم خير.. بس للأسف فتنة الشهرة"
وجهت الفنانة حلا شيحة رسالة لزملائها في الوسط الفني، تزامنًا مع إعلان توبتها وتبرأها من مشاهدها في كليب أغنية “بحبك” من فيلم “مش أنا”، والذي جمعها بالفنان تامر حسني.
وقالت حلا شيحة خلال منشور عبر حسابها الشخصي بموقع الصور والفيديوهات القصيرة “انستجرام": “إحنا يمكن نجحنا بمقاييس الدنيا بس صدقوني بمقاييس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده ميرضيش ربنا، وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى”.
حلا شيحة
وأضافت: “أنا مش هتكسف من حد أنا تبت من المشاهد دي وهي لا تصح، وأنا غلطت وبصلح وأهم حاجة إن ربنا يرضى عني لأن في الآخر ده اللي هينفعنا، مش الشهرة ولا النجاح، لا هو مش نجاح أصلا، علشان النجاح الحقيقي حاجة تانية خالص، إحنا أغلبنا ناسينها إلا القليلين منا”.
