والد حلا شيحة يوجه رسالة لابنته: "الدين ملوش علاقة بالفن"
فن
حلا شيحة ووالدها وزوجها معز مسعود
وجه الفنان التشكيلي أحمد شيحة، والد الفنانة حلا شيحة، رسالة لابنته بعد تصريحاتها حول تبرؤها من مشاهدها بكليب “بحبك” بفيلم “مش أنا”، والذي جمعها بتامر حسني.
وقال أحمد شيحة في تصريح خاص لـ "القاهرة 24": “مفيش داعي للكلام ده على الإطلاق، اللي بييجي يشتغل سينما المفروض يقرأ الدور ويتكلم فيها قبل التصوير، وأنا غير موافق على الكلام ده، حتى لو كانت بنتي، لأن الفن فن”.
وتابع: “وبقولها أنت فنانة ليكي موقع مهم لازم تحافظي عليه، ومينفعش الكلام الفاضي ده، والدين ملوش دخل بالعمل الفني والشكل اللي أنت متصوراه عن الدين”.
حلا شيحة
وردا على رفضها مشاهدها في الفيلم، قال: "مفيش حاجة اسمها إن الفنان يعمل دور يكون قرأه، ومثله وبعدها يرجع يقول أنا مش عايز المشاهد دي، حتى لو كانت بنتي، وايه دخل تامر حسني إن هو يشيل ويحط".
