والد حلا شيحة عن تصريحات ابنته: "تصرفات متعجلة.. ومعز مسعود لا يتدخل على الإطلاق"
أعرب أحمد شيحة، والد الفنانة حلا شيحة، عن استيائه الشديد من تصريحات ابنته الأخيرة التي أكدت فيها تبرُئها من مشاهدها الجريئة مع الفنان تامر حسني خلال فيلمهما الجديد “مش أنا”.
وأكد أحمد شيحة، في تصريح خاص لـ "القاهرة 24"، أنه يتعجب من تصريحات ابنتها التي تعلن فيها استياءها من فريق عمل فيلم “مش أنا”، واصفًا هذه التصرفات بأنها متعجلة وليست في وقتها المناسب، معقبًا: "دي تصرفات متعجلة".
وأوضح والد حلا شيحة أن الداعية معز مسعود لا يتدخل على الإطلاق في قرارات ابنته التي تخص أعمالها الفنية، مشيرًا: "معز لا يتدخل على الإطلاق في أعمالها الفنية".
وكانت نشرت حلا شيحة بوستر الفيلم عبر حسابها الشخصي بموقع الصور والفيديوهات القصيرة "انستجرام"، وقالت: "أنا اتفاجأت جدا بنزول كليب يجمع فيه مشاهد متفرقة من الفيلم وفي أيام ذي الحجة، أيام مباركة وخصوصًا بعد آخر بوست نزلته ووضحت فيه أنا إيه، واتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي".
وتابعت: "إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده ميرضيش ربنا، وأنا عيطت لإني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى".
وأضافت: "أنا مش هتكسف من حد أنا تبت من المشاهد دي وهي لا تصح، وأنا غلطت وبصلح وأهم حاجة إن ربنا يرضى عني لإن في الآخر ده اللي هينفعنا، مش الشهرة ولا النجاح، لا هو مش نجاح أصلا،علشان النجاح الحقيقي حاجة تانية خالص، إحنا أغلبنا ناسينها إلا القليلين منا".
