بعد أزمة حلا شيحة.. تصدر أغنية "بحبك" تريند "يوتيوب"
تصدر كليب أغنية “بحبك”، للفنان تامر حسني، تريند يوتيوب في مصر، بعد أزمة حلا شيحة التى تصدرت على مواقع التواصل الاجتماعي خلال الساعات الماضية، والذي اعترضت فيها على المشاهد الرومانسية ضمن الكليب.
وتقول كلمات الأغنية: "تعالي هنا بقولك أي، قلبي ازاي كده ريحتيه، عارفة بحس معاكي بأي.. حياة طمنتيني على عمري.. يا هديتي على طول صبري.. كفاية اسمي صوتك حلاه".
يشار إلى أن أغنية “بحبك”، من كلمات محمد محسن، وألحان محمد سراج، توزيع توما، إخراج سارة وفيق، قصة وسيناريو وحوار تامر حسني.
وكانت نشرت حلا شيحة بوستر الفيلم عبر حسابها الشخصي بموقع الصور والفيديوهات القصيرة "انستجرام"، وقالت: "أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة، أيام مباركة وخصوصًا بعد آخر بوست نزلته ووضحت فيه أنا إيه، واتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي".
وتابعت: "إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده مايرضيش ربنا، وأنا عيطت لإني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى".
