مديرة أعمال تامر شلتوت تفتح النار على مي حلمي: "بتعمل أفلام علشان تغيظ طليقها"
فتحت شيرين بكر، مديرة أعمال الفنان تامر شلتوت النار على الإعلامية مي حلمي، بعد الأخبار المتداولة بشأن ارتباطها به، مشيرةً إلى أنها تستخدم هذه الأخبار حتى تصنع التريند.
وقالت شيرين في تصريح خاص لـ "القاهرة 24": "شافوا بعض بالصدفة وأول ما شافها معرفهاش، وعندنا صفحتنا كبيرة ومش محتاج أي نوع من أنواع التريند، إحنا كل حلقة عندنا تريند، فمش محتاج دعايا من النوع هذا".
وتابعت: "واحنا منعرفش مين مي حلمي علشان نهتم بأخبارها، وتريند أيه اللي احنا بنركبه، إحنا عندنا ضغط شغل كتير ومش فاضين، واتفاجأنا بالأخبار المنتشرة بارتباط تامر شلتوت بمي، وبناءًا عليه نزلنا توضيح على صفحاتنا".
وأضافت: "تامر نزل الصورة دي كومبلموا ليها، وفريق السوشيال هو اللي بيعلق على المنشورات، وهي نزلت صورتها بالدبلة في الطيارة، بعد ما تامر نزل الصورة".
واستكملت حديثها قائلة: "ده ولد محترم ومتدين تجريه للعك ده ليه، بتغيظي طليقك ولا بتعملي أي افلام علشان تركبي تريند، ليه نزلتي صورتك بالخاتم بعد الصورة بتاعته؟، هي بتكمل الفيلم اللي عملاه، وعملت قصة من لا قصة".
واختتمت حديثها قائلة: "تامر بيخشى أي كلمة غلط، وبيقولي بلاش نرد وبلاش نجرحها ومفيش رد تاني خلاص في الموضوع ده اتقفل بالنسبة لنا".
