"عملية جراحية دقيقة وتكتم أسرتها عن التطورات".. القصة الكاملة لأزمة ياسمين عبد العزيز الصحية
تلاحق الأزمات، الفنانة ياسمين عبد العزيز، فبعد انتشار أخبار شجارها مع خادمتها، أعلن زوجها الفنان أحمد العوضي أمس أنها تجري عملية جراحية خطيرة، وطالب الجميع بالدعاء لها، كما حرص الكثير من أصدقائها على تمني الشفاء العاجل لها.
وكتب العوضي في منشوره الأول عبر موقع التواصل الاجتماعي “فيس بوك”: “الرجاء الدعاء بظهر الغيب لزوجتي وحييبتي ياسمين.. هي في العمليات ومحتاجه دعواتكم.. اللهم إنك أنت الشافي المعافي بقدرتك على كل شيء.. اللهم ارفع عنها البلاء والوباء واشفيها وعافيها".
وعاد في منشور آخر ليظهر حزنه الشديد على زوجته قائلًا: “يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض، عشان أنا روحي مش معايا.. أنا ضعيف جدًا من غيرك انتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس انتي هتقومي إن شاء الله بإذن الله عشان انتي وعداني وعد وهتنفذيه”.
مواقف صعبة
وأضاف: “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدًا.. لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك”.
واختتم العوضي حديثه قائلًا: "قومي عشان أنا بحبك.. بحبك أكتر بكتيير من كل الكلام اللي أنا كتبته.. أكتر بكتير من كل اللي عدينا بيه مع بعض، من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك.. ادعولها تقوم بالسلامة زي ما انتو دايما بتدعولها بالنجاح والتوفيق.. هي دلوقتي محتاجه دعواتكم".
وأكد شقيقها وائل عبد العزيز تدهور حالتها الصحية، حيث كتب في منشور عبر حسابه الرسمي بموقع التواصل الاجتماعي “فيس بوك”: “صباح الخير، أنا كل اللي هقدر أقوله دلوقتي ادعوا لياسمين حالتها خطرة”.”.
وعلم “القاهرة 24” من مصادره أن الفنانة ياسمين عبد العزيز خضعت أمس السبت لعملية جراحية دقيقة استغرقت ساعات طويلة، واضطر بعدها الفريق الطبي المعالج لنقلها الرعاية المركزة والتي ما زالت تتواجد بها حتى كتابة هذه السطور، وفور الحصول على معلومات جديدة سنوافيكم بالتفاصيل.
