أحمد سعد يتسبب في بكاء عروس وتركها حفل الزفاف.. تعرف على السبب
سرد المطرب أحمد سعد موقفًا مؤثرًا حدث معه خلال إحيائه إحدى حفلات الزفاف مؤخرًا، بسبب العروس التي ظلت تبكي طيلة الفرح بسببه، حتى وصل الأمر إلى تركها الفرح من شدة البكاء.
ونشر أحمد سعد مجموعة من الصور من حفل الزفاف عبر حسابه الخاص بموقع “انستجرام” وعلق كاتبًا: “كنت بغني في فرح ولكن الفرح كان مليء بالبكاء، بدأت بأغنية كل يوم والناس مبسوطة وبعدها بغني أغنية بحبك ياصاحب، قاموا الناس جريوا عليا بسرعة وقالوا لي لأ ماتغنيش أغنية بحبك ياصاحبي، ماتغنيش بحبك ياصاحبي! مافهمتش في إيه ؟! فماغنتش بحبك ياصاحبي”.
وتابع: "والعروسة قامت بتعيط وجريت بعيد عن الفرح! فغنيت أغنيه تانية قامت العروسة تاني وعيطت وسابت الفرح !
مكنتش فاهم في إيه ؟! طب أغني إيه ؟! المعازيم قالوا لي معلش لأن هي بتحب أبوها جدًا وأبوها كان بيحبك حب غير عادي وإنت بالنسبة له أهم حد وكل الأغاني بتاعتك لها ذكريات مع أبوها".
واستكمل: “وهي كانت بتغني له بحبك ياصاحبي، لو هو موجود دلوقتي كان أول حد هايجيبه يغني في الفرح كان هايكون إنت، ومش العروسة هي اللي جابتني الفرح العروسة في الفرح طول الوقت تبصلي وتفتكر أبوها وتعيط”.
واختتم: “العروسة دي علمتني يعني إيه بنت بتحب أبوها وإن الحب ده قد إيه حقيقي وصادق ونقي وإن الأب ده كان راجل طيب وأب حنين علشان يتغناله من بنته بحبك ياصاحبي الله يرحمه”.
