"عنده مسؤوليات".. شذى ترد على منتقدي عودة رامي صبري لعمله بعد وفاة شقيقه
علقت الفنانة شذى، على الهجوم الذي شنه مستخدمو مواقع التواصل الاجتماعي، على الفنان رامي صبري، عقب إعلانه استئناف عمله مرة أخرى، بعد وفاة شقيقه كريم صبري.
وكتبت “شذى” على حسابها بـ"فيس بوك": “بالصدفة شفت تعليقات على أن رامي صبري هيرجع يغني تاني، ولاقيت قد إيه في كمية ناس أقل لفظ يتقال عليها تقرف، ولأني اتعرضت للموقف ده قبل كده، وهيا هيا نفس الانتقادات وقت وفاة أمي أو وفاة أبويا، أحب بس أقول لكل واحد قاعد يقيم ويحدد وهو أو هي أساسا ميخصهاش الموضوع من قريب أو من بعيد، إنك أو إنك من معجبين فنان ده ميديش حد الحق أنك تصدر الأحكام على حياته، عندكم الأغاني قيموها من هنا لبكرة حبوها متحبوهاش ده حقكم طبعا، بس يرجع يشتغل ولا ميشتغلش دي بتاعته هو كل اللي تتمنوه من ربنا متتحطوش في مكانه”.
وتابعت: “واللي ميرضيش فعلا ربنا إن يبقى في بيوت مسؤولة من الفنان اللي في بعض الناس تدخل تهبدوا كلمتين، وتروح تعيش حياتها وطظ في إحساسه وميهمهاش اللي وراه دول ميدخلوش دخل ليهم ولأسرهم، الفنان مش بطوله على فكرة.. نصيحة لوجه الله الوجع محدش بيحس بيه غير أصحابه، فكفاية إصدار أحكام وقرف لأن أي حد فينا بقا الغناء بالنسبة لي شغل زييه زي اللي بيشتغل في بنك ولا في مستشفى مهنة يعني، وباب رزق بتدخل دخل مش مجرد هوايه وفي بيوت ناس مفتوحة والتزامات عند كل واحد فينا عموما يعني لما تصرفوا علينا تبقوا تقولوا لينا الصح من الغلط وإيه ينفع وإنه مينفعش وأساسًا ربنا يعين".
واختتمت: "كل واحد عندوا مصيبه وضاغط على نفسه ينزل شغل وهو من جواه أصلا بيموت.. للناس الحشرية والسخيفة مناخيركوا في وشكوا استخدموها مفيدة جدا متحشروهاش في حياه الناس.. ملحوظة إحنا اللي أساسا بنقنع رامي ينزل شغله علشان يطلع من الحالة اللي فيها وعلشان الحزن مبيرجعش غاليين أصلا”.
رامي صبري يدعو لشقيقه كريم تزامنًا مع وقفة عرفات (صورة)
