حمو بيكا بعد "خناقات" الساحل الشمالي: "بعت عربيتي عشان مش عايز مشاكل"
كشف مطرب المهرجانات حمو بيكا، بيعه سيارته، بعد أنباء مشاجرته في الساحل الشمالي أول أمس، أمام بوابة مارينا 5 للمرة الثانية في أقل من أسبوع، والتي تصدرت مواقع التواصل الاجتماعي وظهر فيها مرافقوا حمو بيكا يتعدون بالضرب على آخرين.
وقال “بيكا” خلال مداخلة هاتفية لبرنامج “الحكاية” مع الإعلامي عمرو أديب: “أنا كنت نايم في بيتنا ومعرفش أي حاجة، وصحيت لقيت الدنيا مقلوبة عشان عربيتي كانت عند بوابة مارينا وفي زحمة، وكل ما العربية تيجي تدخل مايرضوش يدخلوها من وقت الحادثة، كان في خناقة وعلي قدورة نازل يحوش في الخناقة ومسك في واحد، الناس أول ما بيشوفوني بيتلمو عليّا، وبعت عربيتي عشان مش عايز مشاكل”.
وأضاف حمو بيكا، أن المشاجرة الأولى التي كانت بسبب اصطدامه بإحدى السيارات قبل أسبوع في مارينا، لم يكن مخطئًا فيها، ولكن الشخص الآخر كان مسرعًا نحوه في أحد الدورانات مما تسبب في تلف لسيارته، مؤكدًا أنه حصل على 75 ألف جنيه تعويضًا.
وسبق، وصرح “بيكا” لـ"القاهرة 24"، بأنه لم يكن موجودًا في هذه المشاجرة، وإنما كان عدد من الشباب الذين يعملون معه، مؤكدًا أنهم كانوا يستقلون سيارته.
وتابع مطرب المهرجانات: “ماكنتش راكب عربيتي كان الشباب اللي شغالين معايا ومنهم نور التوت وعلي قدورة راكبينها، وخبطوا في عربية تانية ونزل أصحاب العربية التانية واتخانقوا مع بعض، وحدّ صورهم وقال إني كنت موجود معاهم عشان عربيتي كانت موجودة”.
ضرب بالأحزمة واقتحام نقابة الموسيقيين.. 4 خناقات لمغني المهرجانات حمو بيكا أثارت الجدل
