أول تعليق من مي عبد الرحمن بعد العثور على صورتها بالمقابر وعليها طلاسم
قالت اليوتيوبر مي عبد الرحمن، إنها علمت بتنفيذ عمل شيطاني، وسحر أسود لها، منذ شهر تقريبًا، بعدما خاضت نحو 5 سنوات في رحلة علاج لأمراض مختلفة.
وأضافت عبد الرحمن في تصريحات خاصة لـ "القاهرة 24": " في عام 2017 نشرت صورة لي عبر صفحتي الخاصة على فيس بوك، مرتدية تيشرت النادي الإسماعيلي، ولكن منذ شهر تقريبًا، وجدت حملة تنظيف مقابر صورتي ومكتوب عليها طلاسم، إلا أنهم لم يعرفوني حينها، حتى تم إرسالها إلى صفحات تابعة للإسماعيلية".
وتابعت: "بالفعل توصلي لي، وأردكتُ أن هناك من نفذ سحرًا أسود لي، وابتعدتُ تمامًا عن السوشيال ميديا، كنت مصدومة ومش مصدقة إن ده حصلي، لأن أنا عمري ما أذيت حد، ولا أفهم في الحاجات دي أصلًا".
واستكملت عبد الرحمن:" نشرتُ على صفحتي عدم مشاركتي بفيديوهات جديدة، إلا أن تم نشر صورة العمل الخاصة بي بسرعة البرق عبر مواقع التواصل الاجتماعي، آخر أيام عيد الأضحى المبارك".
كما أشارت إلى أنها توجهت إلى الأزهر الشريف ودار الإفتاء، لمعرفة ما يتم فعله في حالتها.
وأوضحت:" قالولي إن الشحر مذكور في القرآن الكريم، وكلنا معرضين له، لأنه ابتلاء، مفيش حاجة بتحصل من غير ايد ربنا".
وعن رحلة علاجها، قالت: "أنا بقالي أكتر من 5 سنين في تتابع أمراض غير مبررة، قبل ما ما أتم الـ28 سنة، جالي انزلاق غضروفي مكنتش بتحرك تمامًا، طول الوقت نايمة على خشب وبعدين حصل مشاكل في رجلي، وفي 2017 جالي دور سخونية، وهنا مات عصب الأذن اليسرى ومبقنش أسمع بيها خلاص".
وأكدت أن الأمراض تتلاوى عليها حاليًا، وهناك مشاكل مرضية جديدة لديها في الرحم، مؤكدة أن الأطباء في حيرة من كثرة أمراضها المختلفة.
كما واصلت: "في ناس شككت إن ده مش سحر عشان مشم مكتوب بقلم أحمر ومكتوب بأسود، لكن عرفت إن الأسحار بتكتب بجميع الألوان، والصورة اللي منتشرة على فيس بوك أنا قصيتها عشان مكتوب عليها طلاسم، مش حابة ناس تقلدها ولا الأطفال تفتكرها لعبة يكتبوها، لكن الطلاسم موجودة في الصورة طبعا، لكن أنا مش عاوزة أضر غيري".
ونصحت الآخرين، قائلة:" حابة أقول لأي حد عرف إن معموله عمل، ده مجرد ابتلاء مش أكتر، متمشوش وراء الدجل والشعوذة، العلاج الوحيد للابتلاء ده القرب من ربنا، وقراءة القرأن الكريم باستمرار، لأن العلاج الوحيد هو العلاج الديني".
