لقاء الخميسي ترد على سيدة هاجمت غير المحجبات: "غضي بصرك لو مش عاجبك"
أعادت لقاء الخميسي، نشر منشور كتبته إحدى السيدات، هاجمت فيه السيدات غير المحجبات، وهو ما دفع الفنانة لمهاجمتها.
وقالت السيدة في منشورها الذي كتبته على “فيس بوك": “لو عيل من عيالي فكر يقولي هتجوز واحدة بشعرها أو مطلقة أو مدخنة هامسح بيه الأرض، كفاية الستات والأمهات اللي بشوفهم يوميا زي الصورة دي وبتخض على مستقبل بناتهم اللي أكيد هيقلدوهم، معرفش ليه بتكرهوا الحجاب كده؟”.
وردت لقاء الخميسي عليها عبر “استوري” حسابها الشخصي بموقع “انستجرام” وقالت: “يا أستاذة هالة، يومك جميل إن شاء الله.. للأسف الشديد أنا سمحت لنفسي أخد البوست بتاع حضرتك من غير استئذان ودا مش صح، بس عشان أقول لحضرتك كلمتين ياريت تقريهم كويس”.
وأضافت الخميسي: “مش من حقك حضرتك تاخدي صور ناس وتحطيها عند حضرتك، وتذميهم وتدخلي في اختياراتهم لحياتهم، ومش من حقك أصلا تختاري لولادك لأن ليهم الحق في الاختيار، ومش من حقك تحكمي على أخلاق الناس وحياتهم، لإنك مش واصي ولا ولي، فياريت حضرتك تخليكي في نفسك، وتطوري من نفسك وتغضي البصر لو مش عاجبك الصور”.
لقاء الخميسي
وتابعت: “دعي الخلق للخالق، كل حي أدرى بحياته واختياراته وعليكِ احترامه والتزام الصمت شكرًا ويوم سعيد”.
