دياب لـ هاني محروس: "إزاي يقولوا مش لاقييني.. هو أنا مستخبي!"
رد الفنان دياب على تصريحات المنتج هاني محروس الأخيرة والتي هاجمها فيها، بسبب أزمته الأخيرة.
وقال دياب في تصريح خاص لـ "القاهرة 24": "كلام هاني كله كدب ومعروف مين الصح ومين الكداب، وأنا من يوم ما ظهرت عمر ما حد سمع عني أي مشكلة أو حد اشتكى مني".
وتابع: "وإزاي بيقول هو إحنا لاقيينه، ليه هو أنا مستخبي يعني، وأنا المطرب رقم كام اللي يعملوا معاه مشاكل".
سبق أن علق هاني محروس على تصريحات المطرب دياب، بعد هجومه على شقيقه المنتج نصر محروس، بسبب تجميده للمطرب والتضييق عليه في عمله.
وقال محروس خلال مداخلة هاتفية لـ "الحكاية" مع الإعلامي عمرو أديب: “عيب لما نحلف كدب ونقسم بالله كذب، الراجل معملش اللي أنت بتتكلم فيه طبعًا، قال إنه وقفه عن التمثيل أو الغناء، كل عقود المحترفين لازم تكمل بصورة معينة، يعني مينفعش لاعب في نادي يمشي ويسيبه من غير ما يكمل عقوده".
وتابع: "نصر محروس عمل لدياب 27 أغنية في 14 سنة، وعمل ألبومين و5 سناجل، وكان في فترة لسه بياخد على الجو والأفراح وهكذا، وعشان نصنع لدياب قاعدة جماهيرية، وكان نصر محروس عامل لدياب مرتب شهري زيي أنا وأخواتي”.
واستطرد: “نصر محروس فكر في وقت من الأوقات يدخل السينما وأهل دياب أنه يمثل، إحنا مش عايزين حد يقعد غصب عنه كل الحاجات دي ظهرت لما هو اشتغل وتوقف عن دفع النسبة الخاصة بالشركة، ومن المفترض يكمل نص الشغل اللي متفقين عليه يبقوا اتنين أو تلاتة”.
واختتم: "نصر محروس ساب دياب مرة واتنين وتلاتة عشان يصلب طوله في بدايته، إحنا مبنحلبش الناس، ومدفعش جنيه للشركة من 6 سنوات، إحنا مبناكلش حق حد”.
