دياب عن أزمته مع نصر محروس: "كنت بتحايل عليهم عشان اشتغل.. وحديث شقيقه عني كذب"
عبر الفنان دياب عن تعجبه من رد هاني محروس عليه، على أزمته مع شقيقه المنتج نصر محروس، خلال مداخلة هاتفية مع الإعلامي عمرو أديب.
وقال دياب في تصريح خاص لـ "القاهرة 24": "أنا مستغرب أن هاني اللي رد لأن هو شركة منافسة بالنسبة لنصر محروس، وهاني بيدافع عن أخوه بعد ما كان مقاطعه أكثر من سنة ونص".
وسبق، علق مهندس الصوت هاني محروس على تصريحات المطرب دياب، بعد هجومه على شقيقه المنتج نصر محروس، بسبب تجميده للمطرب والتضييق عليه في عمله.
وقال محروس خلال مداخلة هاتفية لـ "الحكاية" مع الإعلامي عمرو أديب: “عيب لما نحلف كدب ونقسم بالله كذب، الراجل معملش اللي أنت بتتكلم فيه طبعًا، قال إنه وقفه عن التمثيل أو الغناء، كل عقود المحترفين لازم تكمل بصورة معينة، يعني مينفعش لاعب في نادي يمشي ويسيبه من غير ما يكمل عقوده".
وتابع: "نصر محروس عمل لدياب 27 أغنية في 14 سنة، وعمل ألبومين و5 سناجل، وكان في فترة لسه بياخد على الجو والأفراح وهكذا، وعشان نصنع لدياب قاعدة جماهيرية، وكان نصر محروس عامل لدياب مرتب شهري زيي أنا وأخواتي”.
