أحمد سعد يعلن موعد حفله المقبل في شبين الكوم
يستعد المطرب أحمد سعد لإحياء حفل غنائي بشبين الكوم، يوم الجمعة المقبل الموافق 30 من شهر يوليو الجاري، وذلك لصالح إحدى شركات الاتصالات.
وكتب أحمد سعد في منشور عبر حسابه الخاص بموقع تبادل الصور والفيديوهات “انستجرام”:"مستنيكوا يوم الجمعة القادمة حفل اورنج الضخم".
سبق أن سرد أحمد سعد موقفًا مؤثرًا حدث معه خلال إحيائه إحدى حفلات الزفاف مؤخرًا، بسبب العروس التي ظلت تبكي طيلة الفرح بسببه.
ونشر أحمد سعد مجموعة من الصور من حفل الزفاف عبر حسابه الخاص بموقع “انستجرام” معلقًا: “كنت بغني في فرح ولكن الفرح كان مليء بالبكاء، بدأت بأغنية كل يوم والناس مبسوطة وبعدها بغني أغنية بحبك يا صاحبي، قاموا الناس جريوا عليا بسرعة وقالوا لي لأ ماتغنيش أغنية بحبك يا صاحبي، ماتغنيش بحبك يا صاحبي! مافهمتش في إيه؟! فماغنتش بحبك يا صاحبي”.
وتابع: "والعروسة قامت بتعيط وجريت بعيد عن الفرح! فغنيت أغنيه تانية قامت العروسة تاني وعيطت وسابت الفرح! مكنتش فاهم في إيه؟! طب أغني إيه ؟! المعازيم قالوا لي معلش لأن هي بتحب أبوها جدًا وأبوها كان بيحبك حب غير عادي وإنت بالنسبة له أهم حد وكل الأغاني بتاعتك لها ذكريات مع أبوها".
واستطرد: “وهي كانت بتغني له بحبك يا صاحبي، لو هو موجود دلوقتي كان أول حد هايجيبه يغني في الفرح كان هايكون إنت، ومش العروسة هي اللي جابتني الفرح العروسة في الفرح طول الوقت تبصلي وتفتكر أبوها وتعيط”.
وأنهى حديثه كاتبًا: “العروسة دي علمتني يعني إيه بنت بتحب أبوها وإن الحب ده قد إيه حقيقي وصادق وإن الأب ده كان راجل طيب وأب حنين علشان يتغناله من بنته بحبك يا صاحبي الله يرحمه”.
