مصادرة معدات مشروع شاب من سيارته الملاكي ببورسعيد: "ليه كده.. أنا عايز آكل من الحلال" (صور)
صادرت قوة تابعة لحي الشرق بمحافظة بورسعيد، معدات مشروع تقديم مشروبات ساخنة، لشاب يدعي محمد بسيوني، حاصل علي بكالوريوس تجارة عام 2021.
قال بسيوني في تصريحات لـ القاهرة 24، “انا من صغرى بشتغل كل حاجة، وعمرى مبقول للشغل لا، اشتغلت في فرن عيش، وعلى تاكسي، وفي مكتبة، وسوبر ماركت، ومندوب توصيل، ومنقذ شواطئ واشتغلت مدرب في جيم”.
وأضاف أنه بعد تخرجه فكر في عمل مشروع بسيارته الملاكي البسيطة، قائلًا، "أحسن ما أفضل ألف بيها، ولا أتمشي قولت أشتغل، وأكل من الحلال ولا بشغل طريق ولا بسبب قلق ولا ليا مخلفات بتلوث الشارع".
وأستكمل، "كل إلى بعملوا بفتح شنطة العربية وبقف بالليل بس، والحى مرضاش إني أقف مع أن دي عربية ملاكي، واخد مني الحاجه اللي بشتغل بيها، فأنا فعلا مش شايف إيه الغلط اللي عملتوا، أنا عامل مشروع صغير وبسعى وبحاول".
وأستطرد، "الحى مرضاش بأني أبدأ حلمي ووقف قصادي، وأنا الحمد لله راضي، وأنا بعرض مشكلتي، ومتأكد أن المسئولين بيهتموا بالشباب ومشاكلهم، وبلدي مش هتنساني وهكمل حلمي وهنجح وهتحدى البطالة وربنا معايا".
