شريف منير: "بنتي وحفيدتي بيتكلموا إنجليزي طول الوقت وده بيضايقني"
قال الفنان شريف منير، إنه يحرص دائما على قضاء الكثير من الوقت مع عائلته وحفيدته، على الرغم من انشغاله في بعض الأحيان بسبب التصوير.
وقال شريف منير، خلال لقائه ببرنامج “لايت شو” المذاع على قناة “الحياة” الفضائية: “لازم أقضي وقت معاهم، بس هما يلاقوا وقت يقعدوا معايا، لأن كله مشغول بتليفوناته وده بيضايقني جدا وبقولهم محدش يمسك تليفونه دلوقتي ويقعد معايا، لازم يبقى فيه وقت نقعد من غير تليفونات”.
وتابع: “عندي مشكلة مع أسما وبنتها لارا لإنهم بيتكلموا إنجليزي طول الوقت وده بيضايقني جدا جدا، هو الأمريكان بيتكلموا مع بعض عربي مثلا، لازم نتكلم عربي مع بعض، وأنا بزعل من الغلطات الإملائية على فيسبوك وانستجرام”.
وأضاف: “ومينفعش يبقى الكم ده من الأخطاء في الإملاء، ولو حد كتب تعليق غير صحيح بصححله، ولازم نبص في الكلام عشان نعرف بنقول إيه، وأنا كنت شاطر في اللغة العربية، وبذاكر لبناتي عربي لحد دلوقتي لو في حاجة في النحو أو الشعر”.
