طالبات "كلية البنات" يصرخن على أبواب كليتهن.. والسبب حجب النتيجة (خاص)
تداول عدد من طالبات كلية البنات بجامعة عين شمس، اليوم الجمعة، مقطع فيديو يوضح مشاجرة بين عدد من أفراد الأمن العاملين بالكلية، والطلبات اللاتي اصطففن أمام الباب لكي يتمكنوا من الدخول للسؤال عن نتيجتهم.
ووثق مقطع الفيديو، صرخات الطالبات واللاتي تعالت أصواتهن مقابل عدد من العاملين بالكلية نتيجة لمنعهن من الدخول، ونشرت صفحة جامعة عين شمس منشور جاء فيه: «من رسائل الصفحة مشكلة في كلية البنات جامعة عين شمس، هناك سوء معاملة سواء من الأمن أو من الموظفين هناك، من أول العميدة لحد أصغر عامل أمن، انهارده البنات كانت هناك علشان تشوف النتيجة الفرقة الرابعة والنتيجة نزلت الجامعة بقالها أكتر من شهر.. وفي ناس بتجبها من الجامعة، ولما النهارده بنات كتير من دفعات نزلوا يجيبوها الأمن مرضيش يدخلهم، وشتم البنات وشتم ستات كبيرة هناك ورجالة كبيرة جايين مع بناتهم.. والبنات مستحملوش إهانة أهلهم وخبطوا على البوابة لحد ما كسروا زجاج بوابة الجامعة، ودخلوا الجامعة بالعافية والعميدة طلبت الشرطة للبنات".
وتواصل “القاهرة 24”، مع عدد من طالبات كلية البنات، قالت الطالبة "م.أ" الطالبة بالدفعة الرابعة، إن "النتيجة بتتأخر علينا، وظاهرة من بدرى في الكنترول، وفي بنات كتير جبتها من والكلية بتحجبها علينا، فبنبقى قلقانين خصوصًا بنات دفعة سنة أولى".
وأضافت "م"، في تصريحات خاصة لـ "القاهرة 24"، أن هذا الوضع متكرر، وأن النتيجة تظهر ويتم حجبها عنا، على الرغم من تمكن البعض من الحصول عليها في الكنترول.
وعلقت إحدى طالبات الدفعة الأولى بالكلية، على المنشور قائلة: "حسبي الله ونعم الوكيل بجد أول سنة ليا، وحقيقي كرهت الكلية بسبب الدكاترة والمعيدات اللي شايفين نفسهم علينا.. وسوء المعاملة وكمية الإهمال والاستهتار اللي بيحصل وتأخر النتيجة مش عارفة أنا عملت إيه في الترم الأول والتاني، مش عارفة أنا نجحت أصلا ولا.. دا غير ضغط الأهل مش مصدقين إن النتيجة لسه مطلعتش كل ده".
من جانبها نشرت إدارة الكلية عبر الصفحة الرسمية على مواقع التواصل الاجتماعي منشور، قالت فيه: "إعلان هام لطالبات الكلية.. النتيجة سوف تعلن قريبا على الانترنت لجميع الفرق الدراسية ولا داعى للحضور للكلية".
