عزيز الشافعي عن حمو بيكا: “العيب علينا لما دي عقليات تمثل شعب بحاله”
علق الملحن عزيز الشافعي، على تصريحات مطرب المهرجانات حمو بيكا، التي خرج بها خلال الساعات الماضية حول تناوله الخمور.
وكتب عزيز عبر حسابه الشخصي على موقع التواصل الاجتماعي “فيسبوك”: "يعني ادي أخرة لما يبقى العقليات دي بتتصدر المشهد وبتمثل شعب بحاله.. الراجل بمنتهى الأريحية بيصدر للعالم فكرة مهينة عن بلده وشعبها كله دون أدنى أساس من الصحة أو المنطق حتى.. العيب مش عليه طبعا.. العيب علينا".
وحذف عزيز المنشور بعد بضعة دقائق، قائلًا: “شيلت البوست عشان مننشرش الكدب والجهل والتعميم الخاطئ أكتر من كده وده عملته نزولا على نصائح المتابعين المحترمين.. لكن بالنسبة للناس اللي نظرتهم دونيه للفنانين عموما وللوسط الفني كله.. ياريت يرحموا نفسهم ويرحمونا ويبطلوا يتابعوا أي فنان سواء في أعماله الفنية أو في السوشيال ميديا عشان يبقوا صادقين مع نفسهم”.
وقال حمو بيكا إنه لا يوجد أحد في مصر لا يتناول “الويسكي”، مشيرًا إلى أنه يشرب الخمر بين حين والآخر، مضيفًا خلال لقائه أحد برامج قناة “الحدث اليوم”: “ما فيش حد في مصر مبيشربش ويسكي.. أنا بقالي فترة كبيرة مبشربش أي حاجة بسبب معدتي بايظة خالص، بقالي 3 شهور مبطلها، حتى لما كنت بشرب مش دايمًا على طول، كل عشرين يوم في مناسبة مثلا، أنا بنصح الناس متقربلهاش عشان هتسبب مشاكل في المعدة عندهم”.
