هل اعتزال الفن وتحريمه السبب وراء غياب مطرب الراب الجوكر؟
طرح مطرب الراب "الجوكر"، خلال الأيام الماضية، أحدث أغنياته بعنوان "رقم واحد ده مش أنت"، على طريقة الفيديو كليب.
وجاءت أغنية "رقم واحد ده مش أنت" للجوكر، بعد عامين من الغياب، بعد انتشار الكثير من الأقاويل حول اعتزاله الغناء وابتعاده عن الوسط الفني.
وكشف المنتج محمد الشاعر، مالك "ذا بيسمنت ريكوردز"، الشركة المنتجة لأغنية الجوكر، حقيقة عودة مطرب الراب للغناء السبب الحقيقي وراء اختفائه.
وقال محمد الشاعر، في تصريح خاص لـ "القاهرة 24"، إن الجوكر لم يعتزل الغناء كما يظن البعض، مشيرا إلى أن اختفاءه وعدم تقديمه لأعمال غنائية، كان سببه انتشار فيروس كورونا الذي أثر في سوق الموسيقى، كما نفى ما يتم تداوله حول أن غياب الجوكر كان سببه الاعتزال وتحريمه للفن والموسيقى.
يشار إلى أن أغنية "رقم واحد ده مش انت" حملت العديد من الرسائل ينتقد من خلالها محمد رمضان تارة بسبب لقب نمبر وان، ويتحدى من خلالها تارة أخرى مطربي الراب ومنهم مروان بابلو وويجز وأبيوسف، كما أن الأغنية جاء بها اسم أصالة حتى يستشهد بها في تحديه.
وتقول كلمات الأغنية:
ولا.. مش كاش انتوا كيت
زهق زهق بحن للصيد
متهتش أبطالكوا هلس تتفتش
انتوا لسه في الأول
حبيبي.. دماغنا بلاعة، وحارقة فلوس كتير متتعدش
لسه قيمة، وقامة وتركة
عايشة ع اللي فات زي أصالة.. سيرتك
بص الاسكرينة دي من إمتى
انت دادي هما.. انا دادي انت
حط نجمة وانا فريق
جاي أخلي الكل يحترف في مالطا
أب روحي للحط ع الريق
في الزمن أجري النجم يرجع شرطة
كل نظرة منهم ليا تلاقي فيها غل
مش بحل
كله بيعلى فترة، وبعدين يقل
الناس بتمل من لونه
معادش بيرن تيليفونه
جمهوره يقل يقل زي الكونو
وكل غنوة ليهم نفس الفكرة
تقرا الكلام من غير ما تسمع تضحك
مش هتسيعنا مهما كانت شرحة
نابي أزرق حتى لو في إيدي سبحة
باشا رقم واحد ده مش انت
باشا انت تسعة، وصاحبك ستة
باشا بنشوط اللي ييجي ع السكة
عيال أشقى منك انا مقعدها في بيتها
بردت اما فضي الطريق، ومت اما جيبك اتملى
فبدق فيك أحييك.. كإني قلبك يلا
باشا كلها تعرفني وأعرفها
عن بعد وع الأرض أشطفها
انا طفرة
القمة بخطفها أنضفها
إدارة.. مفيش كلمة صعب أوظفها
ومش عشان العشرة بتحن
دي بتطلب معاك بشوق أما تشم
فبترمي الكلام وبترجع تلم
أهي ماتت معاك.. لا هنقعد ولا نحل
و اه في مصلحتكوا إني اتحسبت منكوا
لولا وجودي بينكوا -انسوا- الراب مكانش سمعه غيركوا
خد
ده للي قارن ما بيننا
أبارك فيشة تكتب أقوى منك
اما تنضف، وتبعد عنهم الغيرة بتبين كرههم
بيقولوا إنك انت بيعتهم
طب ما كانوا يشتروا نفسهم
سيبهم
لوم الدنيا طبعهم
سيبهم) كارهين إني كاشف ضعفهم)
سيبهم) ناكرين إن الأزمة عندهم)
واحد في واحد هيموتوا كلهم
سهل تاكل منها حتة.. سهل عليا آكلها كلها
غيبتي شالتك لفوق، وقامت فاردة كفها.
وتجمع الأغنية الجديدة لأول مرة بين “الجوكر” والموزع الموسيقي هرم، وهي من إنتاج "ذا بيسمنت ريكوردز" للمنتج محمد الشاعر.
