فتاة الفستان: "محدش يدعي الفضيلة.. أنا عاوزة حقي من الكلية" (فيديو)
قالت حبيبة طارق، المعروفة إعلاميًا بفتاة الفستان، إنها تعرضت لتهديد برسوبها في مادتين وبالفعل عند ظهور النتيجة وجدت رسوبها في تلك المواد.
وأضافت، عبر بث مباشر لصفحتها الشخصية على “فيسبوك”: "الناس مش خايفة تهدد بعض ولا يتنمروا على بعض، وأنا معايا شات وحاجات تانية تثبت التهديد اللي اتعرضت له".
وقالت: "إحنا بنحاول نبني البلد، لكن الناس مش عارفة تربي عيالهم كويس، وبقوا يتنمروا ويهددوا الناس على شوسيال ميديا من غير حساب، بقي فيه جهل في تصرفات الناس كبير".
وأكدت قائلة: "كلامي مش هيجلبي حقي بس على الاقل طلعت ضيقتي، أنا مش هعمل تظلم، ومش عاوزة الكلية، بس عاوزة حقي يجلي من التهديدات".
وعن اتهامها بمحاولة كسب الشهرة، أوضحت: "هل من الممكن كسب الشهرة على حسب مستقبلي"، مشيرة: "دول بقوا يشتموني ويقولولي يا كدابة يا غشاشة، ممكن اعرف اشاعة اني غشاشة هتأثر في ايه ولا في القضية في ايه".
وأشارت إلى أنه “في حال عقابها بسبب الغش، لا بد من عقاب زملائها مع مدير اللجان”، مؤكدة: “آخر حاجة هقولوها ان حقي مش هيتساب، والناس اللي بتههدني هجيبها، وهسحب ورقي وهقدمه في أحسن جامعة في اسكندرية، وهتقبل”.
وأوضحت الفتاة أنها تحاول وصول الواقعة إلى الرئيس عبد الفتاح السيسي، رئيس الجمهورية، معللة: "عشان أنا اتهددت في بلدي واتشمتت في بلدي.. محدش يدعي الفضيلة، ولا حد يتكلم بلساني".
