فرح الزاهد تكشف تفاصيل معاناتها مع الوسواس القهري: باب عربيتي مكسور عشان بقفله كتير
تحدثت الفنانة فرح الزاهد عن مشاركتها في حملة “احكم عليّ” لدعم مرضى الاضطرابات النفسية، وذلك نتيجة تجربتها مع مرض الـOCD، أو ما يعرف بمرض الوسواس القهري، مشيرة إلى أنها كانت ترى حياتها مظلمة وتعاني من المرض، ولكنها الآن أصبحت في حالة أفضل.
وقالت فرح الزاهد، خلال لقائها مع الإعلامية منى الشاذلي في برنامج “معكم”: "ماكنتش في الحملة ولقيت نور أختي بتصور حملة في قولت لها كلمي البنت وقولي لها إني عايزة أمثل مرض الوسواس القهري، عشان أنا متشخصة به، وبقالي كتير بعاني منه، وعملت عن المرض فعلًا".
وأضافت فرح الزاهد: “بشوف أن الوسواس القهري كابوس، ودي حاجة مينفعش نهزر فيها.. في ناس بتنتحر منه، وهو بينقسم أنواع، وأنا عندي معظم أنواعه، يعني لقيت إني بعمل حاجات مش كل البنات بتعملها، زي إني أتأكد أني قفلت الدولاب أكثر من مرة”.
واستكملت فرح الزاهد عن مرض الوسواس القهري: "هو عبارة عن شخص تاني جواكي بيجبرك تعملي حاجات عضب عنك، يعني أنا باب عربيتي مكسور لأني بقفله أكثر من مرة عشان أتأكد إنه اتقفل، وأنا بصور المسلسل أول مرة كنت بفكر أن في ستايلست هيمسك لبسي، وأنا مش بحب حد يقرب من غرفتي، ولو حد دخلها هفضل أنظفها يومين، دولابي كان لونه بينك بقا لونه أبيض من كتر ما بغسله".
