جميلة عوض: بداخلي أحاسيس متناقضة ولا أجيد التعبير عن نفسي
كشفت الفنانة جميلة عوض حبها لمهنة التمثيل، وذلك بسبب أنها لا تعرف كيف تعبر عن نفسها، ولكن عن طريق التمثيل تجيد التعبير من خلال شخصيات أخرى تجسدها، من أجل توصيل رسالة أو صوت شخص معين.
وقالت جميلة عوض، خلال لقائها مع الإعلامي الإماراتي أنس بوخش، ضمن سلسلة مقابلات ABtalks: “مش بدور على الأدوار الصعبة، ولكن بحبها، لأن شغلتي إني أكون صوت بني آدم يعني لو هعمل شخص ليس لديه مشاكل، مش هيكون له صوت عشان أوصله، أوقات أنت بتظهر لشخص مشاعر ودي جزء من شغلي”.
وأضافت جميلة عوض: “مش شرط أنا دائمًا اللي أختار أدواري، هو عادة يكون أول دور من اختيارك وبعدها يكون اختيار الناس أنهم يرونك في جزء معين يعني مش قراري.. أنا غالبًا مش بقدر أعبر عن نفسي بالطريقة الطبيعية يعني ممكن يكون شكلي حاجة وجوايا حاجة تانية”.
وتابعت جميلة عوض: “أحاسيسي أكثر مما يبدو عليّ، وأنا مش بعبر عن نفسي كفاية.. أكثر وقت بعبر فيه عن نفسي هو إني أكون شخصية أخرى، أو أكون نفسي من خلال شخصية أخرى”.
واستكملت جميلة عوض حديثها قائلة: “مامتي كانت بتزعقلي وعشان أخفي مشاعري كنت أنتظرها تخرج عشان أعيط، واتربيت إني بأخد الشيء وبفكر فيه كويس، مش شرط يبان إحساسي الحقيقي من وجهي ولكن بيكون عندي مشاعر كثيرة جوايا.. أنا عصبية ومسالمة، وعندي مشاعر كثيرة متناقضة عكس بعضها، بحب أقعد مع ناس بس بحب أقعد لوحدي، بحب حاجات كتير عكس بعضها”.
