سأخبر الله بكل شيء.. سخرية تجتاح مواقع التواصل بسبب تغير لون مياه بحر الإسكندرية
شهدت مواقع التواصل الاجتماعي حالة من السخرية بعد تصدر عدة صور لمياه بحر الإسكندرية التي تغير لونها من الأزرق إلى الأصفر.
وسخر البعض من احتمالية أن يكون سبب التلوث إلى تبول المصيفين في المياه لتتحول من اللون الأزرق إلى الأصفر.
وكتب حساب باسم محمد الصاوي: لون البحر ممكن يتغير بسبب العوالق البحرية phytoplankton اللي بتزيد في درجة الحرارة العالية، يعني الناس اللي في البحر دي كلها بريئة، لأ بردو لأن الـphytoplankton بتزيد لما تلاقي مغذيات غنية بالنيتروجين زي اللي في البول وخلافه.
وعلق آخر باسم أحمد عبد المحسن: طب وهو الصيف جه ودرجات الحرارة ارتفعت في الحتة اللي ناس واقفين فيها بس ومش في بقية البحر.
وأضافت هالة بسيوني: وليه الطحالب دي مش موجودة في الساحل أو مطروح ما هما حر هما كمان.
وقالت نونا محمد: وهى الهائمات دي ماهمتش غير ف شواطئ إسكندرية الرخيصة؟؟ لو كلامك صح كانت تهوم ف البحر كله.
وعلق يوسف فرج: الصيف الماضي كان البحر مقفول بسبب كورونا، وكانت المية في الصيف صافية وفيروزية.
وعلقت عليا أحمد: لا هو ناتج عن المصيفين متلفوش ودوروا عشان متجرحوش مشاعرهم مشاعرهم بتتجرح عادى ولا يهمكوا يعنى.
بينما قال محمد حسن قائلا: "البحر: سأخبر الله بكل شيء".
