زوجة تكشف تفاصيل وفاة زوجها بالدقهلية أثناء التنقيب عن آثار «فيديو»
كشفت نسمة إمام زوجة الشاب رامي عيد، سائق توك توك، ومقيم بقرية اليوسيفية التابعة لمركز بني عبيد في محافظة الدقهلية، حيث نزل ينقب عن الآثار فسقط في حفرة عمقها 18 مترًا.
وقالت نسمة لـ«القاهرة 24»: «أنا زوجي يعمل سائق توك توك في البلد وحالة المادية عادية ومش ظهر عليه أي تغيرات مادية الفترة اللي فاتت، ده حتى التوك توك اشتراه وما عرفش يرخصه، وفي يوم الواقعة اللي حصل إنه في واحد صحبه من البلد اتصل بيه كتير وكلمه وقالي جهزي الغداء أنا هرجع على طول، وأتأخر بكلمه تليفونه مغلق وما عرفتش أوصله خالص لحد الساعة 10 بليل في تليفون جاه لأخوه واقالوا تعالي شيل أخوك».
وأضافت: «إحنا روحنا ما كناش فاهمين حاجة بنشوف في أي اتقلنا إن جوزك كان نازل يجيب آثار ووقع بنشوف الحفرة ده عمقها أي أو كده إحنا ما شوفناش حاجة خالص، وبقاله 10 أيام في الحفرة إحنا بنموت ومش عارفين نعمل وبنكلم جميع المسؤولين ماحدش عملنا حاجة».
وتابعت: «أنا ولادي كل يوم بيسألوني عن أبوهم ومش عارفه أرد أقولهم إيه، كل الناس هنا بتحلف بأخلاق رامي وكل الناس بتحبه».
وختمت: «أنا بطالب المسؤولين بالتدخل، نفسي ارتاح وادفنه بإيدي بس».
وأضاف أحد شباب القرية: «إحنا لما سمعنا اتجننا وروحنا المكان ماكنش في حد والحفرة كان عمقها نحو 18 مترًا وما حدش يعرف ينزل، وكمان ما وصلناش لحد من اللي كانوا معًا، إحنا بنطالب باستخراج الجثة».
