بسمة وهبة بعد نجاتها من حريق مركب الساحل الشمالي: جتلي عقدة وهرجع القاهرة
كشفت الإعلامية بسمة وهبة، تفاصيل نجاتها وابنتها من حادث خلال تجولها بالمركب في مارينا بالساحل الشمالي، حيث كان على وشك أن ينشب به حريق.
وطمأنت بسمة وهبة الجمهور في فيديو بث مباشر عبر القاهرة 24 إذ قالت: ربنا كرمنا وجت سليمة.
بسمة وهبة تكشف تفاصيل نجاتها من حريق
وقالت بسمة وهبة إنها كانت تتنزه رفقة ابنها وبنتها حيث كانت تستقل المركب مع ابنتها فيما كان ابنها يستقل الجيت سكي أمامهما مضيفة: ابني راكب الجيب أنا بخاف عليهم جدًا خصوصًا في الويك إند الشباب بيجروا جري مش طبيعي عبد العزيز حصلوا حادثة قبل سنة ونصف علشان كده كنت قلقانة وبترعب.
وتابعت: مرة واحدة السواق بيقول لي هنقف لأن في زرار منور ومش بيطفي وهو بيقول لي كده شميت ريحة شياط في المركب وبعد ما السواق وقف في لحظة ريحة الشياط ازدادت.
واستكملت: كنت طبيعية جدًا بس كان موترني إني اتصلت بعلاء جوزي مش بيرد، واتصلت بابني عبد العزيز لأنه كان قدامنا ما سمعش الموبايل، وأنا موبايلي كان هيفصل قلت أعمل فيديو على انستجرام.
وأشارت بسمة وهبة إلى أن سواق المركب اتصل بالنجدة وبالفعل ذهبوا لهم بعد فترة قصيرة، وأخذوا مركبًا آخر حتى عادو للمنزل، موضحة أنها قررت أن تنزل القاهرة بسبب العقدة التي حدثت لها وستعود بسبب عمل زوجها بعد يومين إذ قالت: قلت هنزل القاهرة لحد ما العقدة دي تتفك شوية ونرجع تاني.
في السياق ذاته طمأنت بسمة وهبة، الجمهور على صحتها وقالت في فيديو عبر حسابها بموقع انستجرام: الحمد لله والشكر لله إحنا كويسين أنا وخديجة، أول 3 ثواني من الفيديو كان صاحبتي وجوزها شافوه وأنقذونا وركبنا مركب تاني ورجعنا البيت، مش عارفة الصيف دايمًا بيجيب لينا حاجات كده حوادث مائية، السنة اللي فاتت الجت سكي والمرة دي المركب لكم الحمد لله ربنا بيكرم.
