أديب: “أبو تريكة مين اللي سبب في فوز مصر بتنظيم كأس الأمم.. ده جنان؟!” (فيديو)
انتقد الإعلامي عمرو أديب ترويج ناشطي مواقع التواصل الاجتماعي فكرة الدور الكبير لأبو تريكة في دعم تنظيم مصر بطولة أمم أفريقيا 2019، معلقًا: “إيه الجنان ده هي ميغة.. فوقوا بقي.. أنا عارف إني أبو تريكة اللى يقرب له هيتولع فيه وأنا مقولتش عليه حاجة وحشة، إنما مصر هي اللى فازت”.
وقال الإعلامي عمرو أديب، خلال برنامج “الحكاية”، المذاع على قناة “إم بي سي مصر”، إن نجم النادي الأهلي والمنتخب الوطني السابق محمد أبو تريكة، لم يكن له دور مؤثر في دعم ملف مصر لاستضافة تنظيم بطولة أمم أفريقيا 2019، كما أشيع وتردد على مواقع التواصل الاجتماعي، مؤكدًا أن مصر لم تفز بالتنظيم بسبب توجيه أبو تريكة الأصوات لصالحها على حساب جنوب أفريقيا.
وأضاف: “لا يجب اختزال أي عمل أو نجاح في شخص واحد، ونسيان البشر والدولة وبنيتها التحتية العظيمة، أنا عارف إني هتشتم بس مخفناش من الإخوان نفسها هنخاف من اللى بيتقال عليه اخوانجي”، مؤكدًا أن الإرهاب والابتزاز الشبكي أصبح أسوأ من الإرهاب العادي”.
وتابع “أديب”: “موقف محترم من أبو تريكة رغم اللى البلد عملته فيه واقف جنبها.. انتي بقي يا بلد قولوا لنا أبو تريكة إرهابي ولا مش إرهابي؟”.
وأوضح: “الدولة بتقول لنا أبو تريكة بيمول الإرهاب وتيجي الدولة ممثلة في اتحاد الكرة قاعدة مع أبو تريكة وتقول إنه هو اللى جابلنا الكاس ويجوا الإخوان يقولوا الإدارة المصرية تستعين بأبو تريكة علشان يجيب لنا البطولة.. وتيجي الناس تقول أبو تريكة اللى جابلنا التنظيم.. هو التصويت لأبو تريكة ولا لمصر؟”.
واختتم: ” لما يبقي ابني يجي يسألني يقولي هو أبو تريكة في قضايا إرهاب ولا ايه..أقوله ايه؟ قولوا لنا هو ايه..اللى هيحمي اللاعبين الجيش والشرطة واللى هيصرف الفلوس من دم الناس مصر مش أبو تريكة، فلتصدر الإدارة المصرية شكرًا لأبو تريكة لو ساهم في دعم ملف مصر في تنظيم أمم أفريقيا 2019″.
