يحيى الفخراني: اعتذرت في البداية عن المشاركة في ياما في الجراب يا حاوي
كشف الفنان يحيى الفخراني، كواليس عرض المخرج مجدي الهواري، مسرحية ياما في الجراب يا حاوي عليه للمشاركة بها.
وقال يحيى الفخراني، خلال المؤتمر الصحفي الخاص بالمسرحية، والمقام الآن في الإسكندرية: «أنا عملت المسرحية دي سنة 1994، وكان أول عرض ليها، وكنت بقول يا ربي هعمل رجل عجوز، ودلوقتي بقيت أنا رجل عجوز».
يحيى الفخراني
وتابع يحيى الفخراني: «أول ما مجدي الهواري كلمني قولت له مش هقدر، عشان أنا عارف مجهود المسرح، وقولت له لو تعبت أعمل إيه قالي نقفل، والمسرح بالنسبالي زي أي فنان، بيلمع الإحساس».
وأضاف يحيى الفخراني: «غاية الذكاء بداية العرض في الإسكندرية، لـنه اختيار موفق أوي وعلى مزاجي، والإسكندرية هي المجس الحقيقي للمسرح، واختيار موفق من كايرو شو.. والإسكندراني مبيجاملش ومبيطلعش القرش بالساهل وبيكون عامل حسابه».
ياما في الجراب يا حاوي
ويحضر المؤتمر الصحفي لمسرحية ياما في الجراب يا حاوي، نجوم العمل؛ أبرزهم يحيى الفخراني، المخرج مجدي الهواري، محمد الشرنوبي، إياد نصار، كارمن سليمان، شريف دسوقي، سما إبراهيم، حسن العدل، لبنى ونس، شريف دسوقي، رضا إدريس، ناصر سيف، شريهان الشاذلي، وآخرون.
