حمو بيكا يشكو من التنمر: بتقولوا عني جاهل وده مش بإيدي
اشتكى مغني المهرجانات حمو بيكا، من معاناته مع التنمر؛ بسبب عدم استكمال تعليمه، وعبر عن غضبه من التنمر والسباب الذي يتعرض له من البعض عبر وسائل التواصل الاجتماعي ووصفه بالجاهل.
حمو بيكا على الفيسبوك
وكتب حمو بيكا عبر حسابه بموقع فيس بوك: «بتقولو عني جاهل ومش متعلم.. مع ان دي حاجة انا عمري ما انكرتها ولا حتي خبيتها علي الناس ومن يوم ما ربنا كرمني واتشهرت وبقي ليا جمهور بس هرجع واقولكم تاني إنه ا حاجة مكنتش بايدي».
وأضاف حمو بيكا: «انت بقي يا متعلم التعليم علمك انك تقعد تعاير الناس بعيوبها؟ التعليم علمك ان تفضل تتنمر علي خلق الله ؟ التعليم علمك انك مباح ليك الشتيمه في حد هو اقل منك في شئ؟ اكيد لا فمتجيش من ورا شاشه وكيبورد تعمل فيها عم الناصح وانت اصلًا موركش حاجة تعملها !».
وتابع «انا متعلمتش ومنولتش الشرف الكبير ده بس اتعلمت حاجات كتير في الدنيا انت متعلمتهاش لسه اتعلمت احترم الكبير والصغير.. اتعلمت اشقي واتعب من صغري اتعلمت اني مغلطش في حد.. اتعلمت حاجات كتير جدًا في حياتي انت عمرك مهتتعلمها طول ما انت باصص للناس..!».
وأكمل «فكر في كلامك كويس وكومنتاتك كويس قبل ما تكتبها وقبل ما تقول انك متعلم افتكر انك في "تربيه وتعليم" يعني التربيه قبل التعليم.. صباحكم فل».
