شقيق ياسمين عبد العزيز يثير قلق الجمهور: اللي عنده أخت يروح يشوفها قبل فوات الأوان
وجه الفنان وائل عبد العزيز، شقيق الفنانة ياسمين عبد العزيز نصيحة لمتابعيه من خلال منشور عبر حسابه الخاص بموقع التواصل الاجتماعي فيسبوك.
وكتب وائل عبد العزيز في منشوره: اللي عنده أب يروح يسأل عليه، واللي عنده أم يروح يترمي في حضنها
واللي عنده أخ يروح يشتكيله ويحكيله، اللي عنده أخت يروح يشوفها ويطمن عليها.
أضاف أيضا قائلا: الحقوا قبل فوات الأوان مفيش حد في عيلتك هيتعوض.. صلحوا الغلط ماتعاندوش وماتكابروش مفيش حاجة في الدنيا تستاهل يوم بعيد عن أهلك.. اللي بيبدأ الصلح هو الخير عند الله.
كما رد شقيق الفنانة ياسمين عبد العزيز، على شائعات انفصال شقيقته عن زوجها الفنان أحمد العوضي؛ بسبب عدم سفره معها للخارج إلى جينيف بسويسرا خلال رحلة علاجها، إذ كتب عبر حسابه بموقع فيسبوك: «نوع من أنواع الاستفزاز عشان أرد على أي هري بيتقال.. وعموما خد الرد عشان تهدوا علينا شوية».
كما استكمل قائلا: «أنا ما عنديش علم بالكلام ده وياسمين حرة في اتخاذ قرار سفرها للخارج مع عيلتها أو جوزها أو دون.. وياريت كفاية أخبار مش عن لساني ونسيبها تاخد فترة تكمله علاجها على خير».
كان الفنان أحمد العوضي رد أمس عن الشائعات المتداولة حول طلاقه من الفنانة ياسمين عبد العزيز، معبرًا عن استنكاره الشديد من مروجي تلك الشائعات، التي ظهرت بعد تخلفه عن السفر معها إلى جينيف بسويسرا لمتابعة حالتها الصحية مع طبيبها هناك.
فكتب العوضي تعليقًا على مروج الشائعة: «والنبي بطل هبد الله يرضى عليك.. الحكاية مش ناقصة هبد»، ليرد عليه مرة أخرى: «لا اللي قالك ضحك عليك.. وياسمين لسه مراتي ومفيش ربع كلمة صح من اللي أنت قلته واللي أنت بتقوله مش صح.. ومتحطش السم في العسل.. وعشان مظلمكش أو اللي قالك ضحك عليك.. قلو اتقالك فابقى اتأكد من الكلام بعد كده.. ولو أنت اللي بتخمن فأنا بقولك غلط».
