ميدو يدافع عن مدحت شلبي ويوجه طلبًا إلى جمهور الأهلي
دافع أحمد حسام ميدو، لاعب الزمالك ومنتخب مصر السابق، عن الإعلامي مدحت شلبي بعد الفيديو الذي انتشر أمس وحديثه عن صعوبة تفويت أي فريق لمباراة بمسابقة الدوري.
وكتب أحمد ميدو، عبر حسابه على تويتر: «الحقيقة اتفرجت على فيديو مدحت شلبي مالقيتش فيه أي إشارة لجمهور الأهلي نهائيًا».
وواصل: «الغلطة الكبيرة من فريق السوشيال ميديا بتاع أون؛ للأسف عنوان الفيديو ورط الكابتن مدحت مع الجمهور ولو في حد لازم يتحاسب هو المسؤول عن العنوان المستفز ده اللي محتوى الفيديو مافيهوش ولا كلمة منه».
وتابع: «مدحت شلبي اختلفت معاه كثيرًا لكن لما اشتغلت معاه في فترة أعتز فيها بالعمل في أون تايم سبورتس لاقيته راجل لذيذ جدا وبيقدر الناس كلها».
واختتم: «أرجو من جمهور الأهلي مشاهدة الفيديو مرة تانية قبل الحكم على الرجل».
وتحدث الإعلامي مدحت شلبي خلال حلقة أمس عن الأحاديث المنتشرة حول تفويت المباريات من قبل نادي الإسماعيلي لصالح نادي الزمالك.
غضب من جماهير الأهلي بسبب تصريحات مدحت شلبي
ووصف شلبي مروجي هذه الأحاديث بـ«البلهاء والسذج والسفهاء»، وهو ما دفع قناة On Time Sports لحذف ذلك الفيديو.
وقال شلبي خلال برنامجه: «أنا عايز أسأل البلهاء والسذج والسفهاء، الناس اللي بتقولك في فرق بتتساهل علشان فرق تانية تتصدر، والكلام هنا على الزمالك وخلينا نتكلم بشكل واضح كده الإسماعيلي والناس اللي بتقولك شوفت شيلونجو انفرد بالمرمى ومسجلهاش هذا حديث فارغ».
وأضاف: «أنا عمري ما هقف عند الكلام ده كفاية سذاجة واستخفاف بعقول الناس عيب».
