ميدو ينتقد جماهير الأهلي بعد اقتراب الزمالك من التتويج بـ الدوري
انتقد أحمد حسام ميدو، نجم نادي الزمالك ومنتخب مصر السابق، مُهاجمي فوز الزمالك في المباريات، خاصة مع اقتراب الفريق من حسم لقب بطولة الدوري المصري الممتاز.
وكتب أحمد ميدو عبر حسابه على تويتر: لما الأهلي بيكسب بطولة بنقول براڤو الناس دي مُنظمين ويستحقوا.
وواصل ميدو قائلًا: الجديد اللي أول مرة أشوفه أن في أهلاوية كتير بيقولوا كلام غريب! لجنة الحكام وتعليمات من فوق.
وأكمل ميدو لاعب الزمالك السابق تدوينته: ليه الناس ما تقولش براڤو.. الزمالك قفلوا على نفسهم واشتغلوا صح، ويستحقوا يكسبوا.. الزمالك اشتغل صح وبعد عن المُهاترات.. الزمالك البطل.
وتابع ميدو: مفيش مثالية في الحياة ولا طبعًا في الكورة، بس لازم نحترم بعض واللي يشتغل صح نقدره ونسقفله.
واختتم نجم نادي الزمالك ومنتخب مصر السابق، قائلًا: الزمالك السنة دي وقع، وقام وقف على رجله وهيبقى بطل الدوري.. البطل الحقيقي اللي لما يخسر يسقف للكسبان، ويقولوا مبروك أشوفك السنة الجاية.. هي دي روح البطل مش الكلام التعبان اللي بنسمعه !!.
