الحزن يسود المنصورة بعد مصرع 3 من أبنائها في ليبيا.. وأم ضحية: نفسي أدفن ابني | فيديو
سادت حالة من الحزن في قرية البقلية، التابعة لمركز المنصورة في محافظة الدقهلية، وذلك بعد مصرع 3 من أبناء القرية في دولة ليبيا.
كشفت والدة الشاب مسعد مسعد أبو زيد تفاصيل الواقعة لـ “القاهرة 24”، قائلة": إبني سافر يوم 2/8 واتصل بينا بعدها بنحو يومين، ومن بعدها مقدرناش نوصله ولا نكلمه، وبعد 25 يومين من الاختفاء أخوه كلمني وقالي أخويا مات ولقيناه في الصحراء.
وأضافت الام المكلومة: دلوقتي مش عارفين نجيب جثته ولا ندفنه وتقرير الطب الشرعي ظهر أنهم ماتوا من 15 يوما يعني حرام المدة دي كلها وميدفنوش، أنا بستغيث بالرئيس وبجميع المسؤولين أعتبرهم ولادكم.
وأوضحت كذلك والدموع تملأ عينيها: أنا عندي 3 أولاد فيهم واحد كفيف وواحد في ليبيا وده كان سندي أنا وأبوه ولما أخد قرار السفر أنا وأبوه رفضنا ولكن هو كان عايز يسافر علشان يسدد ديوانه، هو كان شغال في الرخام ولكن بعد أزمة كورنا الشغل وقف وبقا مديون علشان كده أخد قرار السفر.
واستكملت بكلمات متقطعة: موضوع السفر أو الهجرة غير الشريعية مشهور عندنا في البلد، وكل الشباب هنا شغال باليومية ما بيصدقوا موضوع السفر ده يجلهم وحسبي الله ونعم الوكيل في اللي بيسافرو ولادنا ويموتهم.
واختمت قولها: أنا بناشد المسوؤلين أرجوكم عايز أدفن ابني علشان قلبي يبرد، وبطالب بالقبض علي اللي كانوا السبب في سفر ولادنا وهما ناس من البلد".
كانت السلطات اللبيبة، قد عثرت أمس الخميس، على جثامين 4 أشخاص ملقاه بصحراء الجفرة بدولة ليبيا، وعلى الفور تم إبلاغ الجهات المختصة، وبالفحص والمعاينة تبين أن الجثامين لـ4 شباب مصريين، تم التعرف على هوية 3 منهم، وهم عبد الرحمن مصطفى شعبان، وأحمد إبراهيم محمد، ومسعد مسعد أبو زيد، من قرية البقلية التابعة لمركز المنصورة في محافظة الدقهلية، بالإضافة لوجود جثة لم يتم التعرف على هويتها حتى الآن.
