«كده محدش حايروح»..الجمهور يعترض على ظهور روبي مع الكينج في حفله بالساحل الشمالي
حالة من الجدل أثارها حفل الكينج محمد منير والفنانة روبي، عبر مواقع التواصل الاجتماعي خلال الساعات الماضية، حيث تعرض الحفل للهجوم الشديد من الجمهور، منهم من يعترض على غلاء سعر التذاكر الخاص بالحفل بعد أن تم تعديلها، ومنهم من يعترض على ظهور روبي في حفل غنائي مع الكينج.
ومن المقرر أن يقام الحفل يوم الخميس الموافق 26 أغسطس على المسرح الروماني، في منطقة مارينا بالساحل الشمالي.
فتح الموقع المنظم للحفل، باب الحجز لتذاكرها؛ حيث جاءت سعر تذاكر الفئة الأولى يبلغ سعرها 600 جنيه، وذلك بعد أن كان السعر 300 جنية، وهذا ما جعل الجمهور ينتقد الحفل.
وبدأ الجمهور في الهجوم على الحفل حيث كتب أحدهم تعليق قائلًا: «كده محدش حايروح، التيكت غلي من 300 لـ 600 إجباري»، وكتب آخر آخر: «طيب واللي مش معاه الـ600 جنيه، وكان هيجي من آخر الدنيا ياكينج يعمل إيه»، وغيرها من التعليقات الهجومية بسبب تعديل سعر الحفل.
واعترض الجمهور على ظهور روبي مع محمد منير في حفل غنائي، إذ علق أحدهم قائلًا: «روبي مع محمد منير..هي وصلت لكده يا جدعان»، وكتب آخر معلقًا على ظهور روبي مع الكينج «يعني أنا عشان ادخل لمنير لازم ادفع 600 واتفرج علي روبي، اللي هو احنا حنجحها على قفاه حفلة منير، وبعدين اختيار غريب مفيش حد بيحب منير وحيحب روبي».
واعترضت أخرى على ظهور روبي مع منير قائلة: «وأنا مجبرة احضر اسمع روبي بجد عشان اعرف اسمع منير»، وكتبت أخرى معلقة: «يعني هي مش عارفة تعمل حفلة مع نفسها بتتلزق ف منير»، وعلق آخر قائلًا: «المشكلة مش ف الـ 600 المشكلة اني اتفرج علي روبي إيه الضحك ده».
