هادية غالب: أنا عمرى ما شربت ولا لمست الخمرة | فيديو
قالت البلوجر هادية غالب، إنها لم تشرب الخمرة طوال حياتها قط، الأمر الذي أدى إلى نجاحها في مجالها، مما جعلها أكثر سيطرة على الأمور.
أضافت خلال فيديو نشرته عبر صفحتها الشخصية بموقع التواصل الاجتماعي فيس بوك: «أنا قررت أفتح موضوع الخمرة تاني، لأني لاحظت في الصيف إن البنات والولاد الصغيرة بيشربوا خمرة كتير، وحسيت أني لازم أتكلم».
أوضحت غالب:« هما أوقات كتير مش بيشربوا عن اقتناع لكن عشان يكون شكلهم كوول، وأصحابهم بيضغطوا عليهم، لكن أنا عمري في حياتي ما شربت أو لمست الخمرة، دا اللي خلاني ناجحة».
وقالت:«بعض النقاط أود طرحها إليكم، أخاطب الشباب المراهقين أو في المدارس أو حتى الجامعات، إلى جانب الأهالي التي لم تستطع إقناعهم».
واستكملت:«تاني نقطة عن الاستوري دي أنا مش بتكلم فيها عن الدين، هنسيب الناس الخبيرة زي شيوخ الأزهر هما اللي يتكلموا، لكن أنا جاية هنا أكلمكم بالمنطق، وبديكم نصيحة».
وواصلت غالب: «أول حاجة أنا مش بشرب ليه، عشان عندي إرادة جذابة، الإرادة دي حاجة جذابة جدًا، وهتخلي الناس يعجبوا بيا، تاني حاجة، لازم كل حاجة تكون تحت سيطرتي فأنا ملكة، والأكيد إن الخمرة تذهب العقل، فبالتالي مش هكون مسيطرة على نفسي، أنا لازم أكون طول الوقت رزينة ومتزنة».
وأضافت:« من الممكن الاعتماد عليك كليًا، لذا لا بد من التركيز الشديد طوال الوقت، النقطة الأخيرة وهي أن المسؤولية تشعر بالفخر الشديد، لذلك يجب التركيز والسيطرة دائمًا».
وقالت:«الواحد لما بيشرب كتير ويسكر بيقلل إنتاجيته مش هيقدر يشتغل، وكمان الاختيارات السيئة مش روشنة، للأسف إن الميديا بره بتشوّقلنا ان الاختيارات السيئة دي حاجة كوول ومضحكة، ده بيعلي فرص الاختيارات الغلط، وبما إن الخمرة تذهب العقل فأكيد عقلك مش صاحي، فهيعمل قرارات سيئة ودي هتكمل لآخر حياتك».
وأكدت غالب أن الخمر تضر بالسلامة العامة، لأننا نرى العديد من حوادث الطرق التي تؤدي بصاحبها إلى الهلاك، نتيجة سكره وشربه في أثناء القيادة.
