وفاة والدة أحمد حسن كابتن منتخب مصر الأسبق
توفيت قبل قليل والدة القائد الأسبق للمنتخب الأول لكرة القدم، أحمد حسن، عميد لاعبي العالم السابق.
وذكرت مصادر مقربة من الأسرة، أن صلاة الجنازة على الفقيدة تقام اليوم الاثنين في مسجد السلام بمحافظة المنيا.
وكان آخر ظهور لوالدة اللاعب أحمد حسن في صورة استخدمها كابتن منتخب مصر الأسبق للرد على الإعلامية ريهام سعيد، في حديثها عن مرضى السمنة.
وذكر أحمد حسن وقتها: «بصي يا ريهام هكلمك عملي ودون تنظير.. شايفة الست القمر السمينة دي تبقى أمي وفي زيها ملايين من أمهاتنا واخواتنا العظيمات اللي جابوا رؤساء وعلماء ومبدعين ورياضيين وفنانين وإعلاميين للأسف أنتي واحدة منهم وناجحين في كل المجالات في البلد».
وتابع: «الناس دي تعبوا وشقيوا وعرقوا واشتغلوا وقعدوا على ولادهم وعلموهم حاجات كتيرة في مشوار الحياة، الأمهات دول بركة حياتنا وكفاية دعوة واحدة بس منهم تريح القلب وتفتح الأبواب المقفولة الناس دي اللي انتي متعرفيش عنهم وعن ظروفهم حاجة انتي اتكلمتي عنهم بسوء لأنك باختصار معرفتيش قيمتهم ولا هتعرفيها لأن الناس اللي وصفتيهم بالميتة دول مبيموتوش حتى ولو رحلوا عن الدنيا لأننا بنعيش بكل حاجة حلوة علموها لينا وسابوهلنا وبيسبوهلنا.. يا ألف خسارة على الإعلام اللي بدل ما يعلم وينصح ويقدم رسالة محترمة بقى يسخر وينظر على الطيبين اللي فاضلين في حياتنا».
