سعد الصغير يرد على هجوم الجمهور بعد تبنيه طفلين: تجارة مع الله
يستمر الفنان سعد الصغير في الرد على التعليقات الهجومية من الجمهور عبر السوشيال ميديا بعد تبنيه طفلين متجولين بشوارع الإسكندرية، مؤكدًا أنه لا يبحث عما يسمى التريند مطلقًا، وأنها تجارة مع الله.
وكتب سعد، عبر حسابه صفحته على موقع التواصل الاجتماعي فيسبوك، الآتي: «أتمنى من الناس اللي بتقول شو وترند والكلام ده يسمعوا كويس الكلام اللي في المدخلة فقط اللي مش بتاع سعد الصغير ده مش محتاج الترند ولا محتاج حد يقول سعد عمل ومش عمل.. التجارة مع الله فوق أي شيء، يا ريت ناس اللي فاضية وبتكلم تعمل خير ولو عايز أعمل شو يا جماعة والله والله مش هعمل بطفلين عندي حاجات أكتر من كدا ممكن أعمل شو.. ربنا محدش بيضحك عليه.. وربنا يكرمنا ونفضل ونعمل خير».
رد سعد الصغير على التعليقات الهجومية
ويرد سعد الصغير على التعليقات الهجومية من الجمهور عبر ذلك المنشور، ليكتب لأحد المتابعين: «حضرتك كنت معايا وأنا بسلم بطرف صباعي ده حاجة تاني حاجة حضرتك هل من الطبيعي لو أنت حضرتك ممثل وأنت قولتلي أنا ممثل يبقي هتعمل فيلم أكيد لا ده حاجة.. لا يمكن أسلم على حد بهذه الطريقة.. الحاجة التانية أنا أقدر أساعد ناس مريضة ناس بتموت من التعب من التشرد أطفال حد يتيم مش حضرتك سيب الصح وتقولي علشان يمثل بس مهما كان لازم طبعًا لو قالي كدا لو موهوب هقدر أساعد لكن يا ريت نهتم بخير أكتر ما بنهتم بكتابه وإحنا مش فاهمين حاجة صباح الفل يا مصطفى».
ويُعقب سعد الصغير على تعليق آخر بالآتي: «كريم يا حبيبي صباح الفل أتمنى تعمل زي ما أنا بعمل في الكواليس يا ريت يبقى كتر ألف خيرك على اللي هتعملوا بجد هتشوف كرم من ربنا جميل والله».
تبني سعد الصغير طفلين
بدأ الأمر بظهور سعد الصغير مع متابعيه عبر بث مباشر على أحد حساباته الرسمية على السوشيال ميديا متجولًا بشوارع محافظة الإسكندرية، ليفاجأ بوجود طفلين نائمين على الرصيف، متسائلًا عن أحوالهما، ليعلن تبنيه الطفلين في لحظتها، مناشدًا والدي الطفلين بأنه سيصبح المسؤول الأول والأخير عنهما.
