لقاء الخميسي توضح حقيقة تصريحاتها عن حذف خانة الدين من البطاقة الشخصية
قالت الفنانة لقاء الخميسي، إن حذف خانة الديانة من البطاقة الشخصية، لأي مواطن لا تزيد ولا تنقص من المعرفة بشيء، وأن الجميع يجب أن يتعاملوا مع الأخرين بإنسانية فقط، وألا نصنف الناس بدياناتهم.
لقاء الخميسي وخانة الديانة
وعبرت لقاء الخميسي عن رأيها عبر خاصية ستوري عبر حسابها الشخصي على موقع تبادل الصور والفيديوهات القصيرة انستجرام: «أحب أرد على أصدقائي وأقولهم وإيه أهمية خانة الديانة؟ البطاقة الشخصية عشان نعرف اسم حضرتك وميلادك لأي مصالح حكومية أو أي ظرف أمني.. ودا مالوش علاقة تمامًا بديانة حضرتك.. الديانة تخصك أنت لوحدك ما تخصش أي مصالح حكومية أو أي شخص عادي أو أي مكان أو إنسان أخر.. إلا إذا حضرتك بتصنف الناس بدينهم وتختار تتعامل مع الناس بمسلم ولا مسيحي ولا يهودي ولا حتى مجوسي.. الديانة وعلاقة الإنسان بربه ومعتقداته أمور شخصية جدًا ومش عامة.. يارب يكون كلامي وضح وجهة نظري.. معرفتك بديانة الأخر لا هاتزود ولا هاتنقص.. مطلوب منك تتعامل بإنسانية فقط مع أي شخص أيًا ما كانت ديانته»، رافعةً شعار المساواة وأنت مصري.
وترد لقاء الخميسي على أحد متابعيها المهاجمين لرأيها، قائلةً: «فين المشكلة لو بني آدم اتدفن ومالوش مقبرة يتدفن في مقابر المسلمين!!، احنا في مصر اللي بلد الحضارات وبداية المعتقدات الدينية، إيه علاقة السفر بالديانة، مين اللي اتنازل عم الدين مش فاهمه وهما مين الكل؟. إيه علاقة الدين بالفخر والعزة الدين يخص علاقتك بربك مالوش علاقة بالناس علشان تفتخحر أمامهم، آه في معتقدات كتير زي المجوسية والبوذية والزرداشتية وأكتر بكتير مما تتصور وكلها تستحق الاحخترام واللي مؤمن بيها يستحق الاحترام علشان حضرتك لازم تعامله بإنسانية مش بديانته إيه ومعتقده غيه، أخيرًا حضرتك احنا مش مستنيين شهرة احنا بنحاول ندعم الأفاكر الإيجابية علشان نبقى متحضرين ومصر تبقى في مصاف الدول العظمى».
وتوضح لقاء عبر خاصية ستوري على انستجرام: «كلامي واضح ماعرفتك ديانة الآخريم لا هاتزود ولا هاتنقص مش خانة الديانة لا هاتزود ولا تنقص».
